NÚMEROS 29:18 - Wuj Pa K'ubultzij

¹⁸ Xaq ksujux ni sipon ch'irajil xaq i sipon chi uwa'al uva muqb'am chrij pacha kik'iyal i me', chrij pacha kik'iyal i chij mama'ib' xaq chrij kik'iyal ral taq chij aj jujun junab', chrij pacha i taqanik chi xinya yin.

NÚMEROS 29:18 Referans Kwoze

NÚMEROS 28:7

I sipon chi are i uwa'al uva muqb'am koksax b'i oxib' ral taq k'ox ru' i jujun chij. I uwa'al uva muqb'am le, rajwaxik ktix ni pa lo'laj k'ijib'al re i Dios kojb'al re in-ij.

NÚMEROS 28:14

Waqib' ral taq k'ox uwa'al uva muqb'am koksax b'i ru' jujun ral taq me'; kajib' ral taq k'ox uwa'al uva muqb'am koksax b'i ru' jujun chij ma; oxib' ral taq k'ox uwa'al uva muqb'am koksax b'i ru' jujun ral taq chij. Are sipon ile re umuyal uk'ok'al chi ksujux ni ik' ik' chwach i Ajwal che jun junab'.

NÚMEROS 29:6

Puwi chik i porom sipon re ik' ik', xaq puwi chik i sipon chi ksujux ij ij pa taq usaqirb'al, rachi'ilam i sipon ch'irajil xaq i sipon chi uwa'al uva muqb'am, pacha intaqom u'anik yin. Ile are jun porom sipon re umuyal uk'ok'al kupon chinwach Yin kojb'al re in-ij.

LEVÍTICO 2:1

We o jun winaq kuk'am li usipon ch'irajil chinwach, rajwaxik uri chi are i trigo kuk'am loq xwiri lik jok'om xaq lik kjam ni aceite puwi xaq kkikoj b'i jub'i' pom ru'.

LEVÍTICO 23:18

Junam ru' i wa re trigo le kik'am b'i wuqub' chij mama'ib' chi je aj jujun junab' chi xaq lik je klis taj, jun me' xaq keb' nimaq taq chij mama'ib' je ti'ojib', re sipon chi poroxik ke, re umuyal uk'ok'al re kojb'al u'ij i Ajwal, ile uwi chik i sipon ch'irajil xaq uwi chik i uwa'al uva muqb'am.