NÚMEROS 28:25 - Wuj Pa K'ubultzij

²⁵ Che i k'isb'al ij re i wuqub' ij, k-ani chik jun lo'laj moloj ib' kojb'al re in-ij. Che i ij le mijun kchakunik.

NÚMEROS 28:25 Referans Kwoze

LEVÍTICO 23:8

Rajwaxik chi wuqub' ij kiporoj i sipon chinwach, xwiri che i k'isb'al ij, chi are uwuq ij, ki'an chik jun moloj ib' chi lik o u'ij, i ij le lik kelsax na re i Ajwal, xaq mi'an taq jun chak che ij le.

NÚMEROS 28:18

Che i nab'e ij, k-an ni jun lo'laj moloj ib', rumali chi mijun kchakun che i ij le.

ÉXODO 13:6

Wuqub' ij ktijaw ni wa re trigo chi nti kunb'al ru', are kk'is uwuq ij le, ki'an ni jun nima'ij kojb'al u'ij i Ajwal.

ÉXODO 12:16

Ki'an jun lo'laj moloj ib' che i nab'e ij xaqjun pacha i wuqub' ij, che ronojel i wuqub' ij le lik nti jun chak k-anik, xwi kiyijb'a iwa chi re kitijo. Xwi ile chi'ana.

NÚMEROS 29:35

Che uwajxaqib' ij xaq ki'an ni jun lo'laj moloj ib' xaq mijun kchakun che i ij le.

NÚMEROS 29:12

Che i ij jo'lajuj re uwuq ik' yix ki'an ni jun lo'laj moloj ib'. Che i ij le lik mijun kchakunik; xaq lik wuqub' ij ki'an ni nima'ij re kojb'al in-ij.

NÚMEROS 29:1

Che i nab'e ij re uwuq ik' yix ki'an ni jun lo'laj moloj ib'; che i ij le mijun kchakunik man i ij le are u'ijlal uxut'ixik trompeta.

NÚMEROS 28:26

Are kuriq i ij chi kimol uwach i nab'e taq tikon, kijeq u'anik i nima'ij re i k'iyal taq seman chrijil chik i nima'ij Pascua. Che i ij le k-ani ni jun lo'laj moloj ib' kojb'al in-ij yin, rumali chi mijun kchakunik,

LEVÍTICO 23:25

Xaq rajwaxik kiporoj jun sipon kojb'al u'ij i Ajwal xaq ki'an ti jun chak che i ij le.

LEVÍTICO 23:21

Xaq che i ij le rajwaxik chi ki'an jun lo'laj moloj ib', xaq lik nti jun chak ki'ano. Ile are jun atb'al tzij chi lik ronojel ij saq uwach chiwe yix xaq chke imuq ixikin, nti k-ono xaipa ix jeqel wi.

LEVÍTICO 23:3

Waqib' ij kixchakunik, xwiri che uwuq ij mijun chak ki'ano, man lik are ni jun ij ile re uxlanb'al ij xaq ki'an ni jun lo'laj moloj ib'. Nti k-ono xaipa ix o wi, i ij le lik re ni kojb'al u'ij i Ajwal.

LEVÍTICO 23:7

Nab'e ij k-ani ni jun moloj ib' chi lik o u'ij, i ij le, lik kelsax na re i Ajwal, lik mi'an taq jun chak che i ij le.

Deuteronomio 16:8

Waqib' ij kitij ni wa re trigo chi nti kunb'al ru'. Are kuriqa i wuqub' ij k-ani chik jun moloj ib' kojb'al u'ij Iwajwal Dios, che i ij le xaq che i nima'ij le mijun kchakunik.