NÚMEROS 28:24 - Wuj Pa K'ubultzij

²⁴ Keje ile k-ani ni che ronojel i wuqub' ij re i nima'ij. Ile are jun porom sipon chi lik muy kupon chinwach yin. Xaq koksax b'i sipon ru' chi uwa'al uva muqb'am, puwi chik i sipon chi ksujux ij ij pa taq usaqirb'al.

NÚMEROS 28:24 Referans Kwoze

LEVÍTICO 3:11

Te'uri i ajsujul sipon kuporoj ni ronojel ile puwi i sujb'al sipon. Ile are jun sipon ti'b'alil re kporoxik, chi kisujuj ni yix chinwach Yin chi in Ajwal.

NÚMEROS 28:3

Xaq chab'ij chik chke chi are sipon iri chi kporox ni chinwach kojb'al in-ij: Ij ij ksujux ni kakab' ral taq mama'ib' chij chi aj jujun junab' chi je klis taj.

ÉXODO 29:40

Ru' i nab'e chij ma chi kasujuj re riqb'al kuyb'al mak kakoj b'i kajib' ral taq k'ox rutzil arin ru', xaq krachi'ilaj b'i kolo oxib' ral taq k'ox aceite oliva xaq kakitzka b'i oxib' ral taq k'ox uwa'al uva muqb'am ru'.

Ezequiel 45:23

ij ij che i wuqub' ij chi kuch'ij i nima'ij kusuj ni wuqub' ral taq me' xaq wuqub' mama'ib' chij, konojel nti jun k'ax chke, chi kporox ni chwach i Ajwal. Xwi ta la ile, ij ij kusujuj ni jun chab'at re sipon rumal i mak atzalal.

Hebreos 10:11

Konojel i ajsujul sipon ke i aj Judío winaq, kki'an kipatan ij ij. Lik arewi kkisujuj kik'exel i winaq, xwiri ile lik nti uchak, man ktiki ti chrelsaxik kimak i winaq.