NÚMEROS 26:59 - Wuj Pa K'ubultzij

⁵⁹ Ma Amram xk'uli ru' jun umi'al ma Leví, chi ati Jocabed ub'i, chi xalaxik are k'a o ma Leví chila pa Egipto. I ma Amram xaq ati Jocabed le xe'alax oxib' kak'al chi je are: Ma Aarón, ma Moisés xaq ati Mariy.

NÚMEROS 26:59 Referans Kwoze

ÉXODO 6:20

I ma Amram xk'uli ru' utiy chi ati Jocabed; i ati Jocabed le xeralaj ma Aarón xaq ma Moisés. I ma Amram xk'asi wuqlajuj waqwinaq (137) Junab'.

LEVÍTICO 18:12

Mamin awib' ru' ranab' aqajaw man ire le lik awachalal.

ÉXODO 2:4

Xwiri i ranab' i ak'al le xkanaj kan chinaj chrilik wach kuk'ulmaj i ral uxib'al.

ÉXODO 15:20

Are uri ati Mariy chi profeta, chi ranab' ma Aarón, xuk'am jun chilchil xok chuchilchaxik, xaq konojel ixoqib' xe'ok chuchilchaxik i chilchil xaq xexajawik.

NÚMEROS 12:1

Ati Mariy xaq ma Aarón xkijeqo chi k'ax kech'aw chrij ma Moisés man rumal xk'uli ru' jun ixoq aj Cus.

NÚMEROS 20:1

Che i nab'e ik' re i junab' are xeupon aj Israel chila pa tz'inilik jyub' chaqij Zin, are uri xekanaj k'iyal taq ij chila Cades. Chila xkam wi ati Mariy xaq chila xmuq wi kanoq.