NÚMEROS 24:18 - Wuj Pa K'ubultzij

¹⁸ Ktiki ni chuk'amik i tinimit Edom xaq lik kuk'am i tinimit Seir, chi are ajch'oj chrij. I tinimit Israel le lik kuk'ut ni ucho'ab'.

NÚMEROS 24:18 Referans Kwoze

AMÓS 9:12

man are i kkanajik re i Edom xaq konojel i nimaq taq tinimit chi je we Yin te'eq, i tinimit Israel ku'an tan chik re ire che. I Ajwal uya'om utzij, i lik ku'an na.

2 Samuel 8:14

Chrijil chik ile, te'uri xukoj chajal pa ronojel ulew Edom, are uri konojel i winaq chi aj Edom le xekanaj kan pu'ab' ma David. I Ajwal arewi kuya i ch'akanik che ma David xa'ipa k-e wi.

GÉNESIS 27:29

Chki'ana ni kipatan i winaq chawij, xaq chexuki ni chawach. Cha'ata ni tzij puwi atinimit, xaq i jub'an chik tinimit chki'aja ni kib' chawach. Ni'pa i katkik'oqoj kkeqaj ni k'oq, xaq ni'pa i kkitz'onoj utzil chomal pawi, kya' ni utzil chomal pkiwi.”

ISAÍAS 63:1

—¿Pachin taq ile chi upetik pa Bosra chi are unimal tinimit re Edom, chi kaq ktzun u'u', chi lik chom uwiqik rib' u'anom, chi xaq are kb'inik lik ktatajik chi lik o ucho'ab'? —Yin ile chi kintzijoj i ch'akanik che i ch'oj, xaq lik o incho'ab' re i tonik.

ISAÍAS 34:5

Qatzij, are kwinaqir uch'ich' i Ajwal chikaj chi k'ulala o uware, ktzaq ni puwi i tinimit Edom, chi are i tinimit kamsaxik chik re.

Salmos 60:1

Rumal awoywal, Ajwal Dios, xojawo'taj kanoq, xa'an ch'aqa taq chqe; ¡wo'or chaya chik qacho'ab' chqe!

GÉNESIS 32:3

Are uri ma Jacob xeunab'saj b'i jub'an ajb'il utzij che i ratz chila che ulew Seir, ukwenta ulew chi Edom, re kkiya utzijol chi ire ktijin ruponik

GÉNESIS 27:40

Rumal ach'ich' chi k'ulala o uware katk'asi na, xaq at ajchak na chrij acha'; xwiri are kkowir awach xaq are o chik acho'ab' kawesaj ni awib' uri pu'ab'.”

NÚMEROS 20:18

Xwiri i ajawinel re i tinimit Edom xub'ij chke: —¡Kinya ti chiwe chi kixik'aw chupam wulew, xwiri we kita ti ub'e, ki'an pen ik'awik, lik ke'e ni uri wajch'oj chiwij! —Xcha.

NÚMEROS 24:19

Chuxol utinimit ma Jacob kel wi jun achi, chi lik arewi kch'akanik xaq kusach ni kiwach konojel ni'pa k'a kekanaj kan pa tinimit.

AMÓS 9:11

I ij kk'unik are kinyak ni chik i ral rachoch ma David chi tzaqnaq te'eq. Kinyijb'a i utz taj che, ni'pa i ja chi je tzaqnaq pulew keinyak na, xaq kin-an tan chik che pacha u'anom te'eq ujer,

ABDÍAS 1:2

“Kin-an ni ch'utin chawe chkixol i nimaq taq tinimit xaq lik kinqajsaj ni a'ij.

1 Reyes 11:14

Are uri i Ajwal xu'ano chi xwalij jun ajch'oj chrij ma Salomón: Are ma Hadad chi aj Edom, chi lik are jun chke i kalk'uwal i ajawinelab' aj Edom.

1 Reyes 11:15

I etz mam David are xeuch'ak aj Edom, ma Joab, chi aj-atzil chke i achiyab' chi je yij che i ch'oj, chi xeukamsaj kan konojel achiyab' aj Edom are x-e chkimuqik aj Israel chi xekamik,