NÚMEROS 22:3 - Wuj Pa K'ubultzij

³ Konojel i winaq aj Moab xkixij kib' are xkilo chi lik je k'i aj Israel.

NÚMEROS 22:3 Referans Kwoze

ÉXODO 15:15

Are uri i kaj-atzil aj Edom laj kel ni kik'ux rumal kixib'rikil, xaq i kaj-atzil aj Moab keb'arb'at ni rumal kixib'rikil, xaq konojel aj Canaán kb'a'krij ni kik'ux are kkita ile.

ISAÍAS 23:5

I aj Egipto are kkita utzijol, lik kek'iji ni pa b'is rumal wach xuk'ulmaj i tinimit Tiro.

Salmos 53:5

Tupu nti puwi kkixij kib', xwiri ike lik keb'arb'at ni rumal kixib'rikil, man i Dios kukichersaj b'i kib'aqil ni'pa i je ajch'oj chrij. Lik ketzaq ni pa k'ixb'alil man i Dios keuxutuj.

JOSUÉ 9:24

Are uri i je aj Gabaón xkib'ij che ma Josué: —Yoj xqab'ij ile man xqaxij qib' chiwe xaq moqxa kojikamsaj, man xqetamaj chi Iwajwal Dios ub'im che etz mam Moisés chi rajchak, chi kuya kan ronojel ulewi chiwe xaq keikamsaj konojel i winaq chi je o chwach.

JOSUÉ 2:24

xaq xkib'ij che: I Ajwal ujachom i tinimit pqa'ab' man konojel i winaq lik ketzaq chik pulew rumal kixib'rikil chqe. Xecha.

Deuteronomio 2:25

Lik che i iji kin-an ni chke konojel i tinimit chwach i jyub' ta'aj chi lik kkixij ni kib' chiwe. Xaq are kkita chi kixlapik, lik keb'arb'at ni rumal kixib'rikil xaq kechap ni rumal jun nim laj b'is.”

NEHEMÍAS 13:2

(Man ike xkiya ti kiwa xaq kiya' aj Israel chi lik kajwax chke, puk'exel ile, xa ne xkitoj ma Balaam chuk'oqoxik i tinimit, xwiri i qa-Dios xuya i utzil chomal puk'exel i k'oqonik le)

ÉXODO 1:12

Xwiri are xkiya mas k'ax laj taq chak chke; xa ne mas xek'iyarik xaq xpax b'i kiwach aj Israel chwach ulew Egipto. Rumali i je aj Egipto le lik xkixij kib' chke.

ÉXODO 23:27

Xab'i chi tinimital ipa katik'aw wi kin-an ni chke ajch'oj chawij chi kkixij ni kib' chawe, ksach ni kino'oj xaq ke'anmaj ni chawach.