Biblia Todo Logo
Bib sou entènèt

- Piblisite -




NÚMEROS 21:33 - Wuj Pa K'ubultzij

33 Chrijil chik ile aj Israel xetzalij li pusuk' i tinimit Basán, xwiri i ma Og, chi ajawinel re i tinimit Basán le, xeuk'am li konojel uwinaq chi je yij che i ch'oj, man kki'anb'ej ch'oj chkij ike chila che i k'ijib'al chi Edrei ub'i.

Gade chapit la Kopi




NÚMEROS 21:33
20 Referans Kwoze  

i ulew le re te'eq ma Og, chi ajawinel ke je aj Basán, chi xaq xu'at tzij pa Astarot xaq pa Edrei, ire le are jun chke je aj Refaim chi xek'asi kanoq are xech'ak rumal etz mam Moisés, chi xaq xeresaj b'i pa kitinimit.


Are xojk'un che i k'ijib'ali, i ajawinel re i tinimit Hesbón chi ma Sehón xaq i ajawinel re i tinimit Basán chi ma Og, xe'el li chu'anik ch'oj chqij xwiri yoj xeqach'ako.


Chita i tziji, ix ixoqib' aj Samaria, chi pacha taq ix b'akib' re Basán, ixoqib' chi kkiya puyej i nib'a'ib', ixoqib' chi kki'an k'ax chke i o rajwaxik chke, chi lik kekitaq i kachijil ru' i tziji: ¡Chik'ama li uwa'al uva muqb'am re kqatu'u!


kkitij ni kiti'lal i achiyab' chi je yij che i ch'oj xaq kkitu' ni kikik'el i je aj-atol tzij re i uwach jyub' ta'aj, pacha taq kikik'el mama'ib' chij, ral taq chij, me', o we xaq ti'ojib' taq torib' re i jyub' Basán.


i ral taq perpaq che' chi jek'b'al ya are katb'in puwi i ya, antal che i che' b'aqit chi kpe che i jyub' Basán; i tz'alam chi xch'uqb'ex awij, xki'an che i che' k'isis, chi xkik'am li chuchi' i mar re i tinimit Chipre, ni'pa ile lik wiqtal rij ru' marfil.


I ulew lik o pa k'ax xaq pa b'is, i Líbano kmatz'krij uwach rumal uk'ix, i ta'aj re i Sarón xyiji che i tz'inilik jyub' chaqij, i jyub' Basán xaq i Carmelo lik salsik chik ki'anom.


¡Lik naj rij i nimaq taq jyub' Basán, xaq lik naj uwi i nimaq taq jyub' le!


I je ajch'oj chwij lik kisutim wij, pacha taq je torib', pacha je k'an laj taq torib' chi je aj pa Basán;


Are ulew chi re te'eq ma Og, chi ajawinel te'eq puwi i tinimit Basán; ronojel ulew Basán le kjeqan li uchi' pa Mahanaim, kumaj b'i oxwinaq (60) tinimit chi o chupam ulew Jair.


I ajawinel ma Og, chi ajawinel ke i je aj Basán, ire are jun chke i je aj Refa chi xek'asi kanoq, chi xaq je jeqel chila pa Astarot xaq pa Edrei.


Xaq ronojel ni'pa xu'an chke i je keb' ajawinelab' ke i je aj Hamor, chi je o ch'aqa ya Jordán, ma Sehón ajawinel re i tinimit Hesbón, xaq i ma Og ajawinel re i tinimit Basán, chi o pa Astarot.


Xkitij i kexu xaq xkitu' i leche chi xkesaj chke i chikop, xaq xkitij i rutzil ti'ij chij, xaq xkitij mama'ib' taq chij xaq mamaib' taq chab'at aj Basán. Xkitij i rutzil trigo, xaq xkitu' rutzil uwa'al uva muqb'am.


I aj Israel xekanaj chwach rulew ma Sehón xaq xekanaj chwach rulew ma Og, chi ajawinel ke aj Basán, i keb' ajawinel le aj Hamor chi je jeqel te'eq prelb'al ij che i raqana Jordán.


Rumali chi utzob'ajil ma Gad xaq utzob'ajil ma Rubén xaq nik'aj chke utzob'ajil ma Manasés, xya' ulewi chke rumal ma Moisés: Are ulew chi re te'eq ma Sehón, chi ajawinel ke aj Hamor, xaq ulew chi re te'eq ma Og, chi ajawinel ke aj Basán, lik ronojel ni'pa i tinimit xaq i komon chi o chrij chwach i jalajuj taq tinimit le lik xkanaj pki'ab'.


I Ajwal ub'im: “Katwesaj chal pa Basán; xaq katwesaj chal chuxe' i nim laj mar,


Ma Sehón chi ajawinel aj Hamor, ma Og chi ajawinel aj Basán, xaq konojel i ajawinelab' re i tinimit Canaán;


Chitioxij che i xkamsaw ma Og, chi ajawinel ke aj Basán, man i k'axnab'al uk'ux lik ronojel ij saq uwach.


Xwiri i ajawinel chi ma Sehón xuya taj chi kojik'aw chupam rulew man i Ajwal chi i Dios yix xu'an ko che uk'ux xaq xu'an b'uy che, man kuya ni pi'ab' yix k'a pacha u'anom wo'or.


Swiv nou:

Piblisite


Piblisite