NÚMEROS 21:24 - Wuj Pa K'ubultzij

²⁴ Xwiri aj Israel xkito kib' che i ch'oj xaq xekich'ak ike le xaq xkik'am kan kulew chke chi xjeqan b'i uchi' chila che i raqana Arnón, xupon k'a chila che i raqana Jaboc, ke'eloq chi k'a chuchi' kulew aj Amón, chi sutim rij ru' tapial chi nim uwach.

NÚMEROS 21:24 Referans Kwoze

AMÓS 2:9

Yin, are i xin-ano, re jaqb'al iwik'awb'al yix, xinsachsaj kiwach i aj Hamor, lik xinsachsaj kiwach konojel; tupu lik naj kij pacha che' chakalte' xaq lik je ko pacha i b'aqit.

Salmos 136:19

chitioxij che Ire chi xkamsaw ma Sehón, chi ajawinel ke aj Hamor, man i k'axnab'al uk'ux lik ronojel ij saq uwach.

NEHEMÍAS 9:22

Xaya ki'ajawinik i nimaq taq tinimit pki'ab', xajach kulew pa taq setaj, xaq ike xkimaj kan i ulew Hesbón, chi utinimit i ajawinel ma Sehón, xaq i Basán chi utinimit i ajawinel ma Og.

JOSUÉ 24:8

Are uri xixink'am li chwach kulew i je aj Hamor chi je jeqel prelb'al ij che i ya Jordán. Are xki'an ch'oj iwu', Yin xeinjach pi'ab', xaq xiwilo wach xin-an chila pa Egipto, wo'or yix ixrajaw i ulewi man xinsach kiwach konojel i je aj Hamor.

GÉNESIS 32:22

Xaq che a'ab' le xwalij ma Jacob, xeuk'am i keb' rixoqil, keb' rajke'el xaq i julajuj rak'al, xeu'atsaj che i raqana Jaboc, chila ipa xax wi uwach i ya.

Jueces 21:8

Xkitz'onoj: “¿O nawi jun chi chqaxol chi xupon ti pa moloj ib' chwach i Ajwal chila pa Mizpa?” Are uri xk'un chkik'ux chi mijun chke aj Jabes re Galaad xeupon ti pa moloj ib'.

JOSUÉ 9:10

Xaq ronojel ni'pa xu'an chke i je keb' ajawinelab' ke i je aj Hamor, chi je o ch'aqa ya Jordán, ma Sehón ajawinel re i tinimit Hesbón, xaq i ma Og ajawinel re i tinimit Basán, chi o pa Astarot.

Deuteronomio 29:7

Are xojk'un che i k'ijib'ali, i ajawinel re i tinimit Hesbón chi ma Sehón xaq i ajawinel re i tinimit Basán chi ma Og, xe'el li chu'anik ch'oj chqij xwiri yoj xeqach'ako.

Deuteronomio 3:16

I ulemajil ma Rubén xaq i ma Gad xinya ulew chke chi o chuxol i raqana Arnón ru' i Galaad, i uchi' are i ronojel i ta'aj, kupon k'a chuchi' i raqana Jaboc, chi are uchi' kulew aj Amón.

NÚMEROS 21:13

Te'uri xkimaj chub'i kib'e xe'ax ch'aqap che i raqana Arnón. I raqana le kik'aw pa tz'inilik jyub' chaqij, are atawnaq uxol kulew aj Moab ru' kulew aj Hamor.

JOSUÉ 13:12

i ulew le re te'eq ma Og, chi ajawinel ke je aj Basán, chi xaq xu'at tzij pa Astarot xaq pa Edrei, ire le are jun chke je aj Refaim chi xek'asi kanoq are xech'ak rumal etz mam Moisés, chi xaq xeresaj b'i pa kitinimit.

Jueces 11:13

I ajawinel ke aj Amón xub'ij chke ajb'il tzij re ma Jefté: “Yix ix aj Israel chi xixel li chila pa Egipto, are xixk'un waral ximaj qulew chqe, chi kjeqan b'i che i raqana Arnón k'a che i raqana Jaboc xaq i raqana Jordán. Wo'or chitzalij qulew le chqe pa utz.”

Deuteronomio 4:46

are k'a ix o chila prelb'al ij che i raqana Jordán, che i ta'aj chi o chwach i Bet-peor, prulew ma Sehón, chi ajawinel ke aj Hamor. Ma Sehón le jeqel te'eq chila pa Hesbón chi xujam rib' pa ch'oj che ma Moisés xaq chke aj Israel, are xe'el ike chila pa Egipto.

Deuteronomio 31:4

I Ajwal ku'an ni chke i winaq pa jalajuj taq tinimit pacha xu'an chke ma Sehón xaq i ma Og, chi je ajawinel pkiwi aj Hamor; chi xchup uwach kitinimit rumal i Ajwal.

Jueces 10:11

I Ajwal xub'ij chke: “Yix xitij i k'ax pki'ab' aj Egipto, pki'ab' aj Hamor, pki'ab' aj Amón, xaq aj Filistea,