xaq xu'an i sujuniki che: “Wajwal Dios chi ronojel kattiki chu'anik: We kawil tob'al inwach chupam i k'ax chi in o wi xaq we kink'un chak'ux, chaya uri jun walab', yin kinjach ni pa'ab' man ku'an ni upatan chawij ronojel uk'aslemal. I k'utb'al re chi lik awe yet, lik kelsax ti uwi.”
Che taq i ij le ma Josué lik xub'ij i tziji: “Xapachin kujeq chik uyakik i tinimit Jericó le lik chk'oqox ni rumal i Ajwal. Xaq kuk'ulmaj na chi puwi uk'ojol atz kukub'a wi ukub'ib'al i tinimit xaq puwi ni uk'ojol cha'xel kukub'a wi uchija.”
I nim laj tinimit Jericó xaq ronojel ni'pa i o chupam ksach ni uwach rumal i k'oqb'al re i Dios, xwi ati Rahab chi kuch'ak umer chwach uch'akul kk'asi na xaq konojel ni'pa i je o chi rachoch, man ire xeruwaj i keb' achiyab' chi xeqataq li chrilik nim laj tinimiti.
I Ajwal are ujachom chik i wuqub' tinimit le pi'ab', xaq are ix tikinaq chik yix chuqajsaxik ki'ij ru' ch'oj, lik rajwaxik kisach kiwach konojel xaq mi'an jun trat ku' xaq mitene kiwil taq tob'al kiwach.
Kimol ni uchi' ronojel ub'itaq ke chila pa k'eb'al, xaq kinak' ni a' che i tinimit xaq ronojel ni'pa kimaj chke i ajch'oj chiwij, lik ronojel kichup ni uwach pacha jun porom sipon kojb'al u'ij Iwajwal Dios. I tinimit le kkanaj na ronojel ij saq jut'ub'aj ch'aqa taq ab'aj xaq lik kyijb'ax ti chik.