NÚMEROS 18:26 - Wuj Pa K'ubultzij

²⁶ Chab'ij chke aj Leví chi are kkik'am kan i sipon lajuj che i ch'akanik ke aj Israel, chi inya'om chke aj Leví le puk'exel ub'itaq ke, lik rajwaxik chi ike kkesaj chik lajuj che, kkiya chik chwe yin.

NÚMEROS 18:26 Referans Kwoze

NEHEMÍAS 10:38

I aj Leví are ke'e chuk'amik i lajuj che i jo'winaq (100) chi kya' chke, keachnimax b'i rumal jun ajsujul sipon chi umuq uxikin ma Aarón. Te'uri aj Leví kkik'am nu b'i lajuj che jo'winaq (100) che ni'pa xya' chke ike, pa k'olb'al re i rachoch i qa-Dios,

NÚMEROS 18:21

xaq puk'exel kulew xaq i ub'itaq ke konojel aj Leví, kinya ni lajuj che i ch'akanik chi kkesaj aj Israel che ub'itaq ke chi rajwaxik kkisuj ni chwe Yin tojb'al re i patan chi kki'an pa ja re riqb'al ib' ru' i Dios.

Hebreos 7:5

Chrij pacha i atb'al tzij re i mam Moisés, i umuq uxikin i mam Leví o ke che kkik'am jun mutzaj che i lajuj chi kkich'ak i jub'an aj Israel winaq. O ke che we je rajpatan i Dios. Keje ile kub'ij i atb'al tzij chi tz'ib'talik. Nti k-ono we je kach aj tinimit, nti k-ono we xaqjun kijayil, nti k-ono we konojel je umuq uxikin i mam Abraham, lik rewi o ke che chi kkik'am i tzuqb'al kib' chke.

NÚMEROS 18:25

I Ajwal xlapan ru' ma Moisés, xub'ij che:

NÚMEROS 18:27

Ile are ni kiqasan ike pacha kiqasan aj Israel are kkesaj jub'i' che ki-trigo xaq che uwa'al uva muqb'am.

NÚMEROS 15:21

I sipon le rajwaxik chi lik arewi kisujuj pa taq lemajil.

NEHEMÍAS 10:39

man are aj Israel xaq aj Leví kek'amaw b'i qasan re trigo, uwa'al uva muqb'am xaq aceite pa k'olb'al re i rachoch qa-Dios ipa o wi jalajuj taq chapanb'al chi o u'ij, i ajsujul sipon ike je o chu'anik kipatan, ajchajinel re uxol taq uchija, xaq ajb'ix. Xaq xqab'ij chi kqo'taj ti rachoch i qa-Dios.