NÚMEROS 18:24 - Wuj Pa K'ubultzij

²⁴ I kik'ijib'al ike le xaq ub'itaq ke chi inya'om are i sipon lajuj che i ch'akanik chi kkesaj aj Israel che ub'itaq ke chi rajwaxik kkisujuj ni chwe yin. Rumali inb'im chke chi kel ti kulew ike chkixol aj Israel.”

NÚMEROS 18:24 Referans Kwoze

NÚMEROS 18:26

Chab'ij chke aj Leví chi are kkik'am kan i sipon lajuj che i ch'akanik ke aj Israel, chi inya'om chke aj Leví le puk'exel ub'itaq ke, lik rajwaxik chi ike kkesaj chik lajuj che, kkiya chik chwe yin.

NÚMEROS 18:25

I Ajwal xlapan ru' ma Moisés, xub'ij che:

NÚMEROS 26:62

Konojel umuq uxikin ma Leví chi je alab'om chi o chik jun ik' chke je lajujwinaq wuqlajujmo' kachiy (23,000) Konojel ike le tz'ib'tal ti kib'i ku' i jub'an chik aj Israel, man ike le lik kya' ti kulew.

Deuteronomio 10:9

Rumali aj Leví nti kulew xya'ik pacha xya' chke iwach aj tinimit, man i kulew ike are i Ajwal, chrij pacha ub'im i Ajwal.

Deuteronomio 26:12

Are kuriqa i urox junab' chi are i junab' le kya' i sipon lajuj che i ch'akanik re ronojel ni'pa utzil chomal chi kuya i Dios, xaq are awesam chik i sipon lajuj che i ch'akanik re ronojel uwach atikon, xaq are aya'om chik chke aj Leví, xaq chke aj naj chi je o pitinimit, chke i ak'alab' chi nti chik kiqajaw kichuch, ixoqib' malkanib', man kkitij ni ni'pa kkaj chila pitinimit.

LEVÍTICO 27:30

Ronojel ni'pa kuya i ulew are kpe uwach ija ch'irajil, are kpe uwach i che' re i echa', kelsax jun che i lajuj, kjach ni pu'ab' i Ajwal man lik re ire.

JOSUÉ 13:14

Xwiri i je utzob'ajil ma Leví xya' ti kan kulew rumal etz mam Moisés, man ni'pa i sipon chi kkisujuj i je aj Israel chwach i Dios are uk'exel kulew ike ile.

NEHEMÍAS 10:38

I aj Leví are ke'e chuk'amik i lajuj che i jo'winaq (100) chi kya' chke, keachnimax b'i rumal jun ajsujul sipon chi umuq uxikin ma Aarón. Te'uri aj Leví kkik'am nu b'i lajuj che jo'winaq (100) che ni'pa xya' chke ike, pa k'olb'al re i rachoch i qa-Dios,

NEHEMÍAS 13:12

are uri konojel aj Judá xkik'am b'i jun che i lajuj che i ki-trigo, re i uwa'al uva muqb'am xaq i aceite pa jalajuj taq k'olb'al.