NÚMEROS 18:15 - Wuj Pa K'ubultzij

¹⁵ Konojel i nab'e taq kak'al aj Israel xaq i nab'e taq kak'al kichikop chi kkijach chwe awe yet na. Xwiri i nab'e taq kak'al aj Israel xaq i nab'e taq kak'al kichikop chi je ch'am taj, katz'onoj ni jun tojb'al re chke elsab'al b'i ke.

NÚMEROS 18:15 Referans Kwoze

ÉXODO 34:20

I nab'e ral ma chke i rak'al jun axna chi kalaxik, ktotaj ni rumal jun chij, xwiri we nti uk'exel k-oqix ni uri uqul. Konojel i nab'e taq alab'om, ketotaj ni rumal jun chij, konojel kkik'am nu b'i kisipon, mijun chke kupon taq chinwach we nti rok'am b'i pu'ab'.

ÉXODO 13:2

“Konojel i nab'e taq ak'alab' chi kealax chkixol aj Israel, xaq keje i nab'e taq alaxel chke i chikop, cheijacha pin-ab' man lik je we yin.”

NÚMEROS 3:46

Xwiri i nab'e taq kak'al aj Israel, lik je k'i chkiwach i kak'al aj Leví man je oxlajuj oxlajujwinaq (273) chi xekanajik nti kik'exel, rumali chi cha'ana iri tob'al ke ike:

NÚMEROS 3:13

man konojel i nab'e taq ak'alab' lik je we yin. Are xeinkamsaj konojel i nab'e taq kak'al aj Egipto, xeink'am kan konojel i nab'e taq kak'al aj Israel xaq konojel i nab'e taq kak'al i jalajuj taq chikop, man lik je we yin. Yin in Ajwal xinb'ij ile.”

ÉXODO 22:29

Matb'aytaj chuk'amik li nab'e taq uwach atikon chwe, xaq ronojel uwa'al uva muqb'am chi o awu'. Xaq i nab'e taq iwak'al lik kiya ni chwe Yin.

ÉXODO 13:15

I ma faraón are xuya ti chqe xojpetik, i Ajwal xeukamsaj konojel i nab'e taq kak'al aj Egipto, winaq xaq i chikop; rumali wo'or i nab'e taq kak'al i qachikop chi je mama'ib' kealaxik, keqasujuj chwach i Ajwal xaq kqaya jun qasipon pkik'exel i nab'e taq qak'al chi je alab'om.

NÚMEROS 18:16

I tojb'al re i elsab'al b'i ke le, jo'ob' saqpwaq kkitoj na are o chik jun ik' che kalaxik, i rajil chrij pacha i ralil i mer chi re i lo'laj k'ijib'al, chi nik'aj onz o che.

Deuteronomio 15:19

Konojel i nab'e taq kak'al achikop chi je mama'ib' kealaxik xaq i nab'e taq kak'al achij, rajwaxik chi kajach pu'ab' i Awajwal Dios. Meachakunsaj i nab'e taq kak'al achikop xaq mawesaj i kismal i nab'e taq kak'al achij.

NEHEMÍAS 10:37

Xaq xqayijb'a chqawach chi kqak'am b'i pa k'olb'al re i rachoch i qa-Dios i nab'e taq jok'om trigo, nab'e taq echa' re jalajuj taq che', nab'e taq uwa'al uva muqb'am xaq nab'e taq aceite, ile are qaqasan chke ajsujul sipon, xaq kqak'am b'i lajuj che i jo'winaq (100) re uwach i qatikon chke aj Leví, man ile are ike kek'amawik are kqa'an i molonik chwach qulew.