NÚMEROS 14:45 - Wuj Pa K'ubultzij

⁴⁵ Are uri xe'el li aj Amalec xaq aj Canaán chi je jeqel chila chwi jyub', xe'e chkij aj Israel xetiki chke k'a pa Horma lik xki'an k'ax chke.

NÚMEROS 14:45 Referans Kwoze

NÚMEROS 21:3

Are uri i Ajwal xuya chke aj Israel pacha xkitz'onoj, rumali xeuto chkich'akik aj Canaán, ike xkichup kiwach konojel aj Canaán xaq ronojel kitinimit, rumali i k'ijib'al le xkiya pub'i Horma.

Jueces 1:17

Chrijil chik ile i je utzob'ajil ma Judá xe'e ku' utzob'ajil ma Simeón chrij pacha xkiyijb'a chkiwach, xe'e pa ch'oj ku' aj Canaán chi je jeqel chila pa tinimit Sefat; lik xkichup uwach ronojel, rumali xkiya pub'i Horma.

Deuteronomio 1:44

Are uri aj Hamor, chi je jeqel chila chwi jyub' le, xkitak'b'a kib' chu'anik ch'oj iwu' are uri chi xixkoqtaj pacha taq jub'an kab' chi kkoqtaj i pachin keto'tawik, xkijeq u'anik k'ax chiwe chila Seir xkimayij, k'a chila Horma.

NÚMEROS 14:43

Man aj Amalec xaq aj Canaán ix koy-em jela pa b'e, lik kixtzaq uri pki'ab' re kki'an ch'oj iwu' xaq kixkikamsaj. Man yix xiwo'taj kan i Ajwal rumali kixuto ti chik.

JOSUÉ 7:5

Xeterb'ex li xol uchija re i okb'al che i tinimit, xemajtaj k'a che jun xulanik, are uri xekamsax waqlajuj juwinaq (36) chke i aj Israel; rumali konojel i aj Israel laj xel kik'ux xaq laj x-e kuxlab'.

Deuteronomio 32:30

¿Wach u'ankil ile chi xa jun chi winaq xe'anmaj b'i lajujwinaq kamo' (1,000) ajch'oj pu'ab'? ¿Wach u'ankil ile chi xa keb' chi winaq xe'anmaj b'i jo'mo' juchiy (10,000) ajch'oj pki'ab'? ¡Ile rumal i Ajwal, chi tol ke, xeujach ajch'oj le pki'ab', rumali chi xech'akanik!

ÉXODO 17:16

Xaq xub'ij: “I k'ul chi kuk'ut u'ij jun tzob'aj o pu'ab' i Ajwal rumali wo'or ku'an ni ch'oj chkij aj Amalec xaq chkij kimuq kixikin.” Xcha.

NÚMEROS 13:29

Chila pa Neguev je jeqel wi aj Amalec, aj Het, aj Jebús xaq aj Hamor chila chijyub' je jeqel wi. I aj Canaán chila je jeqel wi chuxol i mar ru' i raqana Jordán.

NÚMEROS 15:1

I Ajwal xlapan ru' ma Moisés, xub'ij che:

1 Samuel 30:30

ni'pa je o chila pa tinimit Horma, ni'pa je o chila pa Corasán, ni'pa je o chila pa Atac,

1 Samuel 4:2

Kelik chila pa Afec le, xe'e chkij aj Israel che i ch'oj, i aj Filistea le xekich'ak aj Israel, xekikamsaj lajujmo' (4,000) achiyab' chila ipa xki'an wi ch'oj.

1 Samuel 27:8

I ma David junam ku' i achiyab' xe'e chumajik ub'itaq ke i winaq chke chi je jeqel pa jalajuj taq tinimiti: Gesur, Gezer xaq i tinimit Amalec, lik ujer je jeqel chila che i ulew le, chi kusuk'b'a b'i pa tinimit Shur k'a kupon che i tinimit Egipto.

Salmos 89:43

Xawesaj uware uch'ich' chi o uware k'ulala xaq xaya ti ucho'ab' chu'anik i ch'oj.