NÚMEROS 14:34 - Wuj Pa K'ubultzij

³⁴ Yix kawinaq (40) ij xich'ij chusolixik ulew xaq Kawinaq (40) junab' uri kitij utojb'alil, chi ke'eloq jun junab' utojb'alil i jun ij, keje ile kiwetamaj na chi Yin kinetz'an ti iwu'.”

NÚMEROS 14:34 Referans Kwoze

Ezequiel 4:6

Are atz'aqatsam chik i ij le, katkotz'i ni chik uri i katxoti ni pa wiqab'im xaq kaya ni chik awib' chuxe' umak i tinimit Judá, kawinaq (40) ij ke'eloq jun ij che jujun junab' rumal umak.

NÚMEROS 13:25

Chrijil chik rilik ronojel ulew le chi xkich'ij kawinaq (40) ij chusolixik, i kab'lajuj achiyab' le xetzalij chal

Daniel 9:24

Lajuj oxwinaq (70) seman kik'aw ni puwi awinaq xaq i lo'laj atinimit re sachb'al uwach i qelanik xaq i mak atzalal, keje ile kya' ni kuyb'al mak, kya' ni atb'al tzij ronojel ij saq, man keje ile k-antaj ni ilik pa wachij xaq i tzijonik re i Ajwal le xaq kya' ni u'ij i lo'laj k'ijib'al chi o u'ij.

Hebreos 4:1

Tz'aqat k'a o i okb'al pa uxlanem le chi usujum i Dios, chi'ana kwent uri, man to' iwach uri we o jun chiwe chi kok ti che i uxlanem le.

Salmos 95:10

Kawinaq (40) junab' xuch'ij i woywal chke i lemajil le xaq xinb'ij: I winaq le lik ko'tam kan i utz laj b'e; ¡Lik kki'an taj pacha kub'ij intaqanik!

SEGUNDO LIBRO DE CR%D3NICAS 36:21

keje ile k-antaj ni urayijb'al i Dios chrij pacha xub'ij ma Jeremías chi profeta. K'a kuxlan ni ulew man i ulew lik naj xuxlanik k'a xtz'aqat ni lajuj oxwinaq (70) junab'.

1 Samuel 2:30

Rumali, i Ajwal chi ki-Dios aj Israel, chi ub'im te'eq, yet xaq i awalk'uwal arewi te'eq kikoj u'ij i Ajwal, wo'or kusaqij: “Lik kinya ti chke chi arewi keje ile kki'ano. Man kinya ni ki'ij konojel ni'pa kkiya in-ij, xaq konojel ni'pa kkiqajsaj in-ij keinya ni pa k'ixb'alil. Yin in Ajwal xinb'ij ile.

Apocalipsis 11:3

Xwiri, yin keintaq b'i keb' ajsaqinel tzij chi kikojom ki'u' as, chuya'ik i tzijonik re k-on panoq re oxib' junab' ru' nik'aj. Keje xub'ij i Dios ile chwe.

ZACARÍAS 11:10

Are uri xinchap pan inch'amiy chi ub'i: “Utz” xinpatz'o k'utb'al re chi nti chik u'ij i trat chi xu'an i Dios ku' konojel i nimaq taq tinimit.

Ezequiel 14:10

I winaq chi ku'an i tz'onb'enik xaq keje i profeta, lik kya' ni utojb'alil chke rumal i kimak,

Salmos 105:42

Saq laj tzij, i Dios xk'un i lo'laj usujunik chuk'ux chi u'anom che ma Abraham, chi rajpatan.

Salmos 77:8

¿Xatab'a xk'is i k'axnab'al uk'ux? ¿Xatab'a xk'is uwach usujunik ronojel ij saq?

Salmos 38:4

Ni'pa inmak lik umolom chik rib' pinwi, lik jun nim laj eqan chi kinch'ij ti chik.

1 Reyes 8:56

¡Lik nim u'ij i lo'laj Ajwal man uya'om i uxlanb'al k'uxij chke utinimit Israel. Man xa'an ronojel i wach asujum chrij pacha ub'ixkil xa'an che awajpatan, chi ma Moisés!

NÚMEROS 18:23

Xwi aj Leví ke'anaw i patan pa ja re i molb'al ib', xaq xwi chkiqul uri ike o wi ni'pa i keramtaj che, ile lik jun atb'al tzij chi k-e ij saq chrij pa taq lemajil. Konojel aj Leví nti jun kik'ijib'al ike chkixol aj Israel.

LEVÍTICO 20:19

Jun ala mumin rib' ru' ranab' uqajaw xaq we ru' ucha' uchuch, man ike le lik je rachalal, xwiri we kumin rib' ru' jun chke ike le, lik chekeb' uri kkitij ni uk'axk'olil kimak.

Hechos 13:18

I Dios xuch'ij ronojel ni'pa xki'an aj Israel are xeb'in kawinaq (40) junab' pa tz'inilik jyub' chaqij,

Deuteronomio 2:7

I Ajwal, chi i-Dios yix, uya'om utzil chomal piwi che ronojel ni'pa i'anom. Ire lik k'ijinaq iwu' che i kawinaq (40) junab' chi xixb'inik lik xixuchajij che i b'e che i nim laj tz'inilik jyub' chaqij le, lik nti xramtajik man is uya'om chiwe ni'pa i rajwaxik.

Ezequiel 4:5

Lajuj b'elejlajujwinaq (390) ij kawok'aj umak i tinimit Israel, ke'eloq jun ij che jujun junab'.

NÚMEROS 32:13

I Ajwal lik xpe roywal chke aj Israel, xu'an chke chi xeb'in kawinaq (40) junab' pa tz'inilik jyub' chaqij, lik k'a xekam ni konojel ni'pa xemakun chwach.

JOSUÉ 14:10

Ik'awnaq chik jo'ob' kawinaq (45) junab' ub'ixkil ile rumal i Ajwal che i ma Moisés, are k'a je o aj Israel pa tz'inilik jyub' chaqij; kawil yala, wo'or o chik jo'ob' kajwinaq (85) junab' chwe man i Ajwal uya'om ink'aslemal pacha ub'im.

Ezequiel 23:35

Rumali Yin in Ajwal, kinb'ij: Yet, rumal xinsach chak'ux, xa aya'om li uchel awij chwe, lik katij ni uk'axk'ol utojb'alil rumal i ni'pa taq i urayijb'al ach'akul, xaq uqajsaxik a'ij.

Oseas 9:12

Tupu we ketiki chkik'itsaxik kak'al, Yin lik ke'inmaj ni chke i lik mijun kinya kan chke. ¡Lik to' kiwach i winaqi are kewo'taj kanoq!