NÚMEROS 14:29 - Wuj Pa K'ubultzij

²⁹ Konojel ni'pa o chik juwinaq junab' chke chi xtz'ib'ax kib'i are x-ani i ajlanik, chi k'ax xech'aw chwe saq laj tzij lik kekam na, i kich'akul kejab'krij ni kan waral pa taq tz'inilik jyub' chaqij.

NÚMEROS 14:29 Referans Kwoze

NÚMEROS 1:45

Konojel i achiyab' chi o chik juwinaq (20) junab' chke chi je utz chik che i ch'oj,

Hebreos 3:17

¿Je pachin i winaq chi kawinaq junab' (40) xpe roywal i Dios chke? Ku' i winaq chi xemakunik xaq xekam chila pa tz'inilik jyub' chaqij.

NÚMEROS 26:64

Konojel ike le, chi je rak'al ma Israel, mijun xk'asi kan chke chi xe'ajlax kumal ma Moisés xaq ma Aarón, chila pa tz'inilik jyub' chaqij Sinaí,

1 Corintios 10:5

Tupu xkil ronojel ile, xwiri laj konojel ike xkipetsaj roywal i Dios pkiwi. Rumali je k'i xekam kan che i tz'inilik jyub' chaqij ipa i xeb'in wi.

Júdas 1:5

Kwaj kink'unsaj pik'ux wach xu'an i Ajwal Dios ujer, tupu ya iweta'am chik. Ire xeresaj i aj Israel winaq pki'ab' i aj Egipto; xwiri x-on panoq xusach kiwach ni'pa i xekojon ti che utzij.

NÚMEROS 1:46

i kik'iyal i winaq xe'eloq konojel, je lajuj wuqlajujwinaq wajxaqmo' jo'lajujchiy oxt'ub' (603,550)

Deuteronomio 2:14

Are xoj-el che ulew Cades-barnea k'a are xqa'axuj i raqana Zered, xeik'aw wajxaqlajuj juwinaq (38) junab'. Che taq i ij le xekam konojel i achiyab' aj Israel chi je yij che i ch'oj chi je o chila che i k'ijib'al ipa je o wi. Lik x-antaj na chrij pacha xub'ij i Ajwal.

JOSUÉ 5:6

I Dios usujum te'eq chke i katit kimam i aj Israel chi kuya jun utz laj ulew chke man chila che i ulew le lik o i leche xaq uwa'al kab' lik keje pacha i ya kb'inik. Xwiri i aj Israel chi xe'el li pa Egipto xkiqel i Ajwal. Rumali Ire xusaqij chke chi kkil ti uwach i ulew le. Rumali xeb'aytaj kawinaq (40) junab' pa tz'inilik jyub' chaqij, rumali konojel achiyab' chi je yij te'eq che i ch'oj are xe'el Egipto ya je kamnaq chik.

Salmos 78:33

Rumali i Dios xuk'is uwach kik'aslemal, pacha xa jun jek'aj uxlab' chupam jun nim laj xib'rikil.

Ezequiel 20:38

I je qelqel laj taq winaq xaq to' je ajtzukul tzij, kewesaj na li chixol yix, xaq kixwesaj na li yix che ulew chi iwe taj ipa ix jeqel wi wo'or; xwiri ike ke'ok ti pa ulew re Israel. Are uri yix kiwetamaj na chi Yin in Ajwal.

NÚMEROS 26:65

man i Ajwal ub'im chi konojel kekam kan pa tz'inilik jyub' chaqij. Xwi kk'asi kan ma Caleb, chi uk'ojol ma Jefone xaq ma Josué, chi uk'ojol ma Nun.

Salmos 106:26

Rumali i Dios lik xub'ij chi keukamsaj pa tz'inilik jyub' chaqij,