NÚMEROS 11:28 - Wuj Pa K'ubultzij

²⁸ Are uri ma Josué, chi uk'ojol ma Nun, chi lik chi rak'alil loq ujeqom uto'ik ma Moisés, xub'ij: —¡Nim laj winaq ma Moisés, chea'atij chu'anik ile! —Xcha.

NÚMEROS 11:28 Referans Kwoze

Juan 3:26

Are uri xe'e chub'ixkil che ma Wan: —Tijonel, kk'un chak'ux i achi chi xupon awu' jela kanoq chila prelb'al ij che i raqana Jordán, chi xaq xalap chqe chi nim u'ij, wo'or ktijin chuqajsaxik i ya pkiwi i winaq, xwi ta la ile, konojel i winaq ktijin ki'enam ru' —xecha.

JOSUÉ 1:1

Are kamnaq chik mam Moisés chi rajchak i Ajwal, are uri i Ajwal xch'aw che ma Josué, chi rak'al ma Nun, i ma Josué le chi xaq xterej chrij etz mam Moisés chu'anik i chak, xub'ij che:

ÉXODO 33:11

I Ajwal klapan ru' ma Moisés, lik kkitzub'ala kib' pacha k-on jun winaq chi klapan ru' jun ramiy. Are kutzin kilapanik, te'uri ktzalij chub'i ma Moisés che i k'ijib'al ipa je o wi aj Israel; xwiri i ma Josué uk'ojol ma Nun chi lik teren chuto'ik ma Moisés, kel ti chila chupam i ja re riqb'al ib' ru' i Dios.

ÉXODO 17:9

Are uri ma Moisés xub'ij che ma Josué: —Cha'ulu b'i jujun chke achiyab', cheak'ama b'i awu' chu'anik ch'oj chkij aj Amalec. Chweq, yin kink'iji ni puwi i jyub', kwok'aj uch'amiy i Dios pin-ab' —xcha.

NÚMEROS 11:27

Are uri jun ala x-e la pa'anem chub'ixkil che ma Moisés: —¡I ma Eldad xaq ma Medad ketijin che i lapanik pacha je profeta chila pa k'ijib'al ipa je o wi! —Xcha.

ÉXODO 24:13

I ma Moisés xel b'i tzam jyub' re i Dios junam ru' ma Josué chi ajchak chrij.