NÚMEROS 1:46 - Wuj Pa K'ubultzij

⁴⁶ i kik'iyal i winaq xe'eloq konojel, je lajuj wuqlajujwinaq wajxaqmo' jo'lajujchiy oxt'ub' (603,550)

NÚMEROS 1:46 Referans Kwoze

NÚMEROS 26:51

Chrij pacha i ajlanik ronojel chi x-anik, je lajuj waqwinaq kajmo' jo'lajujchiy oxt'ub' (601, 730) achiyab' aj Israel konojel chi xtz'ib'ax kib'i.

ÉXODO 38:26

Konojel ni'pa o chik juwinaq junab' (20) chke je lajuj wuqlajujwinaq wajxaqmo' jo'lajujchiy oxt'ub' (603,550) xaq konojel xkiya jo'ob' saq-o'oj chrij pacha i pajb'al re i lo'laj k'ijib'al re i Dios.

ÉXODO 12:37

I aj Israel xe'el chila che ulew Ramesés, xe'e pusuk' b'i ulew Sucot. Kolo jo'lajujchiy oxt'ub' (600,000) achiyab' xeb'in ku' chaqan chi lik je utz re i ch'oj, je ajlam ti uri ixoqib' xaq ak'alab'.

NÚMEROS 2:32

I ajlanik chi x-an chke konojel i alk'uwalil aj Israel, xe'eloq chi je o lajuj wuqlajujwinaq wajxaqmo' jo'lajujchiy oxt'ub' (603,550) achiyab' chi je yij che i ch'oj.

SEGUNDO LIBRO DE CR%D3NICAS 13:3

Ma Abiam xujeq i ch'oj ru' lajujchiy kat'ub' (400,000) achiyab' chi je yij che i ch'oj chi lik je ultalik. Xaq ma Jeroboam xujeq ch'oj chrij ma Abiam le ru' jo't'ub' (800,000) achiyab' chi je yij che i ch'oj chi xaq lik je ultalik.

PRIMER LIBRO DE CR%D3NICAS 21:5

Are uri ma Joab xujach i wuj che ma David ipa tz'ib'tal wi kik'iyal i winaq, are uri xe'eloq chi je o lajujmo' wuqlajujchiy waqt'ub' (1,100,000) achiyab' chi lik je yij che i ch'oj chila pa Israel, xaq jo'lajujmo' wajxaqlajujchiy kat'ub' (470,000) achiyab' je o pa Judá.

1 Reyes 4:20

I aj Judá xaq i aj Israel lik je k'i pacha i seneb' chi o chuchi' i mar. Konojel lik kekikotik man lik o wach kkitijo xaq i kkitu'u.

2 Samuel 24:9

Are uri ma Joab xujach jun wuj che i ajawinel ipa tz'ib'tal wi kik'iyal i winaq, are uri xe'eloq chi pa tinimit Israel je o jo't'ub' (800,000) achiyab' chi je utz re i ch'oj, xaq je o lajujmo' kachiy oxt'ub' (500,000) achiyab' chi je utz re i ch'oj aj Judá.

Deuteronomio 10:22

Iwatit imam are xeupon pa Egipto, ike xa je lajuj oxwinaq (70) konojel, xwiri wo'or Iwajwal Dios xixuk'iyarsaj pacha uk'iyal ch'umil chi je o chwa taq kaj.

NÚMEROS 23:10

Je keje pacha uk'aj ulew ¿Pachin wa ktiki taq chkajlaxik i ma Jacob? ¿Xaq pachin taq wa ktiki chrajlaxik jun chke ukaj tzob'aj ke aj Israel? Wetene keje i kamik ile kin-an yin pacha kikamik i utz laj taq winaq le, xaq wetene keje usachik inwach yin ile pacha usachik kiwach ike le!

GÉNESIS 28:14

I amuq axikin lik kek'iyar na pacha uk'aj ulew, kkinojsaj nu b'i uwach ulew prelb'al ij xaq puqajb'al ij, pa moxab' xaq pa wiqab'; konojel alk'uwal re uwach i jyub' ta'aj kinya ni utzil chomal pkiwi awumal yet, xaq kumal amuq axikin.

GÉNESIS 26:3

Chatjeqel ni chwach ulew le ipa at o wi wo'or, Yin katwo'taj taj, xaq kinya ni utzil chomal pawi, man chawe yet, xaq chke amuq axikin kinya wi ronojel ulew le, lik kin-an na pacha inb'im che mam Abraham chi etz aqajaw.

GÉNESIS 22:17

lik kinya ni utzil chomal pawi xaq lik keink'iyarsaj ni amuq axikin pacha uk'iyal i ch'umil chi o chwa taq kaj xaq pacha uk'iyal i seneb' chi o chi taq ya. Xaq i amuq axikin lik kekich'ak ni i je ajch'oj chkij.

GÉNESIS 17:6

Kin-an ni chawe chi lik katk'uwalinik, lik je k'i ni amuq axikin, xaq lik ke'on ni k'iyal taq tinimit, chkixol ike le kewinaqir ni k'iyal taq ajawinelab'.

GÉNESIS 15:5

Are uri i Ajwal xuk'am b'i ma Abram chisaq, xub'ij che: —Chattaqen chwa kaj, chawajlaj pe i ch'umil we kattiki chrajlaxik. Lik keje ni kik'iyal amuq axikin ile.

GÉNESIS 13:16

Kin-an ni chke amuq axikin chi lik je k'i, pacha uk'iyal uk'aj ulew; man keje pacha uk'aj ulew k-an ti tikilem chrajlaxik xaq keje uri amuq axikin, k-an ti tikilem chkajlaxik.

GÉNESIS 12:2

Kin-an ni jun nim laj tinimit chke amuq axikin, kinya ni utzil chomal pawi; i ab'i xaipa na kkuxtax wi, xaq at utzil chomal na chke jub'an chik winaq.

NÚMEROS 1:45

Konojel i achiyab' chi o chik juwinaq (20) junab' chke chi je utz chik che i ch'oj,

NÚMEROS 14:29

Konojel ni'pa o chik juwinaq junab' chke chi xtz'ib'ax kib'i are x-ani i ajlanik, chi k'ax xech'aw chwe saq laj tzij lik kekam na, i kich'akul kejab'krij ni kan waral pa taq tz'inilik jyub' chaqij.

NÚMEROS 11:21

Are uri ma Moisés xub'ij che i Ajwal: —I winaq chi je petnaq wu' chaqan je jo'lajujchiy oxt'ub' (600,000) achiyab', ¿I yet kab'ij chi jun ik' kaya i ti'ij chqe re kqatijo?