NÚMEROS 1:1 - Wuj Pa K'ubultzij

¹ I Ajwal xlapan ru' ma Moisés pa ja re riqb'al ib' ru' i Dios chila pa tz'inilik jyub' chaqij Sinaí, che i nab'e ij re ukab' ik' re ukab' junab', chrijil chik i kelik li aj Israel pa Egipto. Xub'ij che:

NÚMEROS 1:1 Referans Kwoze

ÉXODO 25:22

Kqariq ni qib' awu' chila chkixol i keb' querubín chi je o puwi i kaxa re utrat i Ajwal, chila puwi i ch'uqb'al uwi le, kinb'ij ni chawe ronojel ni'pa i tzij chi kab'ij ni chke aj Israel.

ÉXODO 19:1

I je aj Israel are xe'el b'i pa Egipto, k'a che oxib' ik' xeupon wi pa tz'inilik jyub' chaqij chi Sinaí ub'i.

NÚMEROS 9:1

Are xel jun junab' kelik li aj Israel pa Egipto, che i nab'e ik' re ukab' junab', i Ajwal xlapan ru' ma Moisés chila pa tz'inilik jyub' chaqij Sinaí, xub'ij che:

LEVÍTICO 27:34

Are utzij upixab' i Ajwal ile chi xuya che ma Moisés chila puwi i jyub' Sinaí, ke aj Israel.

LEVÍTICO 1:1

I Ajwal xusik'ij ma Moisés chila chupam i ja re riqb'al ib' ru' Ire i xub'ij che,

ÉXODO 40:17

Keje uyijilem i ja ile, chi re riqb'al ib' ru' i Dios, xyiji che i nab'e ij re i nab'e ik' che i ukab' junab'.

ÉXODO 40:2

Che i nab'e ij re i nab'e ik' kayak i ja re riqb'al ib' ru' i Dios.

1 Reyes 6:1

Ma Salomón xujeq uyakik i rachoch i Dios che ukaj junab' u'olem pa ajawinel puwi i tinimit Israel, che i ik' re i Zif, chi are ukab' ik' re i junab'; chi are o chik kajwinaq jumo' (480) junab' che i kelik li aj Israel chila pa Egipto.

ÉXODO 19:2

Chrijil chik kelik chila pa Refidim, are uri xeupon pa tz'inilik jyub' chaqij le, chila xe'uxlan wi chwach i Sinaí;

NÚMEROS 12:4

Rumali i Ajwal xub'ij che ma Moisés, che ma Aarón xaq che ati Mariy: “Jix chix-oxib' chila pa okb'al re i ja re riqb'al ib' ru' i Dios.” Rumali lik che oxib' xe'ek.

Deuteronomio 1:3

Che i nab'e ij re i ik' julajuj, che i junab' kawinaq (40), ma Moisés xub'ij ronojel chke aj Israel ni'pa xub'ij i Ajwal che ire. Chuxe'el ile ma Moisés xuch'ak ma Sehón chi ajawinel ke aj Hamor chi o te'eq chila pa Hesbón xaq ma Og chi ajawinel re i tinimit Basán, chi o te'eq chila pa Astarot chi o chila che ulew Edrei.

Deuteronomio 2:7

I Ajwal, chi i-Dios yix, uya'om utzil chomal piwi che ronojel ni'pa i'anom. Ire lik k'ijinaq iwu' che i kawinaq (40) junab' chi xixb'inik lik xixuchajij che i b'e che i nim laj tz'inilik jyub' chaqij le, lik nti xramtajik man is uya'om chiwe ni'pa i rajwaxik.

Deuteronomio 2:14

Are xoj-el che ulew Cades-barnea k'a are xqa'axuj i raqana Zered, xeik'aw wajxaqlajuj juwinaq (38) junab'. Che taq i ij le xekam konojel i achiyab' aj Israel chi je yij che i ch'oj chi je o chila che i k'ijib'al ipa je o wi. Lik x-antaj na chrij pacha xub'ij i Ajwal.