NEHEMÍAS 8:2 - Wuj Pa K'ubultzij

² Che i nab'e ij re uwuq ik', i ma Esdras, chi ajsujul sipon, xuk'am li wuj re atb'al tzij chkiwach konojel i winaq, chi kimolom kib', chi achiyab', chi ixoqib', xaq lik konojel ni'pa kkita chik ub'e.

NEHEMÍAS 8:2 Referans Kwoze

LEVÍTICO 23:24

Chab'ij chke aj Israel: Che i nab'e ij re uwuq ik' ki'an ni jun nima'ij re i uxlanb'al ij xaq jun lo'laj moloj ib' re kuxtab'al, chi kxut'ix i trompeta ru' xaq re kojb'al u'ij i Ajwal

MALAQUÍAS 2:7

Lik chkiqul i je ajsujul sipon o wi uk'utik xaq retamaxik inwach, i konojel o uchak keupon ku' ike k'amb'al re utzijol wach kki'ano, man are ike je ajb'il tzij re i Ajwal chi ronojel ktiki che.

NÚMEROS 29:1

Che i nab'e ij re uwuq ik' yix ki'an ni jun lo'laj moloj ib'; che i ij le mijun kchakunik man i ij le are u'ijlal uxut'ixik trompeta.

Hechos 15:21

Man lik ujer ile chi i u'atb'al tzij i mam Moisés, ax kajlax wi uwach kumal jujun chke i winaq pa taq tinimit chila pa taq ja re molb'al ib' ke i judío che taq i ij sábado.

ISAÍAS 28:9

Kinkich'ach'a yin xaq kkib'ij: “¡Kk'un chuk'utik jun k'utunik chqe yoj, kuk'ut chqe wach ub'im i Dios! ¡Pacha taq oj ral taq ak'alab' ch'utiq

Deuteronomio 17:18

Are kya' kan upatan ajawinel, kutaq ni utz'ib'axik jun uk'exwach i k'utunik le, chi lik che uxeb'al kelsax wi, chi o pki'ab' i ajsujul sipon chi aj Leví.

NEHEMÍAS 8:9

Konojel i winaq, xe'o'ik are xkita wach ke'el i tzij chi kub'ij i wuj re u'atb'al tzij i Dios, are uri ma Nehemías chi aj-ok'al utzam i jalajuj taq i tinimit, i ma Esdras chi tijonel xaq ajsujul sipon xaq aj Leví chi kkisaqij u'atb'al tzij i Dios chke i winaq, xkib'ij chke konojel chi meb'isonik xaq me'o'ik man i ij le lik ultalik re i Dios.

NEHEMÍAS 9:1

Che i ij kajib' juwinaq (24) re i ik' le, aj Israel xkimol kib' chumayixik kiwa'im rumal kilapanik ru' i Dios; xkikoj ki'u' as xaq xkikoj ulew pkija',

JOSUÉ 8:35

I ma Josué xrajlaj uwach i wuj chi utz'ib'am kan etz ma Moisés, lik ronojel xrajlaj uwach chkiwach konojel i je aj Israel ixoqib' ak'alab' xaq i je aj Israel taj chi je enaq ku'.

NEHEMÍAS 8:18

Wuqub' ij xkich'ij chu'anik i nima'ij chi o u'ij; che i nab'e ij xaq k'a che i k'isb'al ij, i ma Esdras ij ij krajlaj jutaq b'i' che i wuj re i u'atb'al tzij i Dios; che uwajxaq ij xki'an jun molom ib' chi lik o u'ij chkiwach ike, kojb'al u'ij i Dios, chrij pacha i anik re i tinimit.

NEHEMÍAS 10:29

xkimol kib' ku' i kachalal xaq ku' i kaj-atzil, xaq xkib'ij chi kki'ano pacha kub'ij i utaqanik i Dios chi xuya i Ajwal che ma Moisés, xaq lik kki'an ronojel ni'pa kub'ij utzij upixab' xaq i atb'al tzij re i Ajwal.

NEHEMÍAS 13:1

Che taq i ij le, x-ajlax uwach uwuj ma Moisés chkiwach konojel i winaq; xaq chupam i wuj le tz'ib'talik chi aj Amón xaq aj Moab lik kmajaw ti chke chi ke'on utinimit i Dios.