NEHEMÍAS 8:16 - Wuj Pa K'ubultzij

¹⁶ Are uri i winaq xe'e chutzukuxik i u'ab' taq che' le re kki'anb'ej kimujb'al re es chkijujunal chupam i kulew xaq chwaja re i kachoch, xaq chwaja re i rachoch i Dios, xaq pa k'ijib'al ipa kkimol wi kib' i winaq re i tinimit chi o chwach uchija re i Ya xaq pa k'ijib'al ipa kkimol wi kib' i winaq re i tinimit chi o chwach uchija re ma Efraín.

NEHEMÍAS 8:16 Referans Kwoze

NEHEMÍAS 12:39

xojik'aw che uchija re ma Efraín xaq re ma Jesana, uchija ke i Kar, tak'tik ja re ma Hananeel xaq tak'tik ja re i Jo'winaq (100), k'a che uchija ke i Chij; xojkanaj chila che uchija ipa je o wi Chajinelab'.

2 Reyes 14:13

Ma Joás, chi ajawinel re i tinimit Israel, xumin ma Amasías prexil chila pa tinimit Bet-semes, i ma Amasías le, ajawinel re i tinimit Judá. Chrijil chik ile, x-e pa tinimit Jerusalén, xuwulijsaj waqwinaq (120) xik'ab' che i tapial nim uwach, xujeq b'i uwulsaxik che Uchija re ma Efraín, xeuk'isa k'a chila che Uchija chi o Puch'uk.

NEHEMÍAS 12:37

Are xeupon puwi uchija chi Ralaxb'al Ya ub'i, xetejeb' chupan jub'i' puwi i tapial le xe'el b'i che i cholchol chila ipa o wi Utinimit ma David, puwi i nim laj rachoch ma David, k'a xeupon puwi uchija re i Ya, chi o prelb'al ij.

NEHEMÍAS 3:26

xupon k'a chila chwach uchija re i Ya ub'i, chi o pusuk' i relb'al ij xaq i nim laj ja tak'tik. (Ni'pa je jeqel pa Ofel, ike le are kki'an kipatan prachoch i Dios.)

JEREMÍAS 32:29

I aj Caldea chi kki'an ch'oj chrij i nim laj tinimit, lik ke'ok nu b'i chupam xaq kkinak' ni a' che; kkinak' ni a' che junam ru' i ja chi je o li k'a puwi, chila ipa kkiporoj wi pom che i tiox Baal xaq kkisujuj uwa'al uva muqb'am chke i tiox chi etamam ti kiwach, kki'an ile qajsab'al in-ij.

NEHEMÍAS 8:3

Xujeq rajlaxik saqirik xutzin chrajlaxik k'a are x-on pa'ij chkiwach konojel i winaq chi kimolom kib' chwach i k'ijib'al re i tinimit chi o chwach uchija re i Ya. Konojel i winaq le, lik xkiya kixikin che are x-ajlax uwach i wuj re u'atb'al tzij i Dios chke.

JEREMÍAS 19:13

I ja pa taq tinimit Jerusalén, xaq i nimaq taq kachoch i ajawinelab' pa Judá xaq uwi ukale ja ipa ksujux wi pom chke konojel ni'pa i ch'umil chwa taq kaj, xaq kkijam wi i uwa'al uva muqb'am re kisipon chke i jub'an chik dios, lik kekanaj na chi lik je ch'am taj, lik keje pacha i Tofet.”

SEGUNDO LIBRO DE CR%D3NICAS 33:5

Xu'an jub'an chik jalajuj taq sujb'al sipon re i ch'umil, ij xaq re i ik' chila che i keb' uwaja re i rachoch i Ajwal.

SEGUNDO LIBRO DE CR%D3NICAS 20:5

Ma Josafat xtak'i' an chkixol i winaq aj Judá chi kimolom kib' pa Jerusalén, chila chwach i okb'al k'ak' re i rachoch i Ajwal;

2 Samuel 11:2

Che jun uqajb'al ij, i ma David xwalij b'i chwi uch'at, x-e pa malkatik puwi i nim laj rachoch ire. Are uri xril jun chom laj ixoq chi ktijin chatinem. I ma David xutaq utz'onoxik pachin taq ixoq le, are uri xb'ix che chi are ati Betsabé, chi umi'al ma Eliam, chi xaq rixoqil ma Urías chi aj Het. Ati Betsabé k'a te kujos-ij rib' man xk'is rik'il; are uri ma David xeutaq b'i jub'an achiyab' chuk'amik ati Betsabé, are xuponik, xumin rib' ru', chrijil chik ile, te'uri ixoq le x-e chi rachoch.

Deuteronomio 22:8

We o jun chiwe yix kuyak jun rachoch k'ak', rajwaxik uri chi kukoj atb'al che ronojel uchi' man keje ile we o taq jun xtzaq loq k-ab'taj ti uri chkij ralk'uwal.

NEHEMÍAS 8:1

Are uri konojel i winaq re i tinimit junam xkich'ob' umolik kib' pa k'ijib'al ipa kkimol wi kib' i winaq re i tinimit chi o chwach uchija re i Ya, are uri xkib'ij che ma Esdras, chi tijonel, chi kuk'am li wuj re atb'al tzij re ma Moisés, chi xuya i Ajwal chke aj Israel.