NEHEMÍAS 4:7 - Wuj Pa K'ubultzij

⁷ Xwiri, are xketamaj ma Sanbalat, ma Tobías, je aj Arabia, aj Amón xaq aj Asdod chi uyijb'axik i tapial chi nim uwach chrij i Jerusalén, xmayix taj, xaq xjeqan utz'apixik i jalajuj taq k'ijib'al ipa o wi uchija, are uri lik xpe jun nim laj koywal,

NEHEMÍAS 4:7 Referans Kwoze

NEHEMÍAS 4:1

Are xretamaj ma Sanbalat chi kojtijin chuyijb'axik i tapial chi nim uwach, lik xpe jun nim laj roywal, are uri xujeq kiyo'yaxik aj Israel,

NEHEMÍAS 2:10

Xwiri, are xretamaj ma Sanbalat chi aj Horón xaq ma Tobías chi nim upatan chkixol aj Amón, lik xumaj ti kiwach man xupon jun chi kuch'ob' kito'ik aj Israel.

Apocalipsis 12:17

Rumali, i nim laj itzel kumatz lik xpe roywal che i ixoq, xaq x-e chu'anik ch'oj chkij i jub'an umuq uxikin i ixoq le. Ike le je are i kekojon che utzij upixab' i Dios; lik je teren chrij i saq laj tzij chi u'aljinsam i Jesucristo.

Hechos 5:33

Ni'pa i je o pa jutz'ob'aj unimaqil chi kki'at tzij pkitinimit aj Judío, are xkita ile lik xmi' koywal i lik kkaj kikamsaxik.

AMÓS 1:13

Keje iri kub'ij i Ajwal: “I je aj Amón ki'anom uk'iyal mak atzalal chi lik kinmayij ti uya'ik utojb'alil chke; man rumal i kirayijb'al chi kkaj kki'an nim che i kulew, xkiraqij i kalanb'al ixoqib' chi je raxwinaq pa tinimit re i Galaad.

JEREMÍAS 25:20

Xaq chke i jalajuj taq winaq chi je o chila, xaq chke konojel i ajawinelab' re i tinimit Uz xaq che i kulew aj Filistea: Ascalón, Gaza, Ecrón xaq ni'pa i kanajnaq kan re i Asdod,

AMÓS 1:8

Kinsach ni uwach i krajawin pa Asdod xaq i krajawin pa Ascalón. ¡Ru' ronojel incho'ab' kink'aq wib' chrij i Ecrón, i lik k'a kkam ni k'isb'al aj Filistea!” Are i Ajwal kb'iwik.

NEHEMÍAS 2:19

Xwiri are xketamaj chik ma Sanbalat aj Horón, ma Tobías, chi nim upatan chkixol aj Amón xaq ma Gesem chi aj Arabia, xojkiyo'ya xaq xojkich'amij ru' i tziji: —¿Wach kich'ob' taq u'anik yix? ¿Ich'ob'om wa yix chi kiqel i ajawinel?

SEGUNDO LIBRO DE CR%D3NICAS 20:1

X-on panoq i aj Moab xaq aj Amón xkiya kiwach ku' aj Meunim, xki'an ch'oj chrij ma Josafat;

2 Reyes 24:2

Are uri i Ajwal xeutaq jub'an ili'omab' chrij ma Joacim, chi je aj Caldea, aj Siria, aj Moab xaq aj Amón. Xeutaq b'i pa ch'oj chkij aj Judá chupb'al uwach i tinimit le chrij pacha ub'im i Ajwal, chi xkib'ij i profeta.

1 Samuel 11:2

Are uri ma Nahas, chi aj Amón, xub'ij chke: —Utzi' kin-an jun trat iwu' yix, xwiri we kiya chwe chi kwesaj li ib'a'wach wiqab'im chijujunal, man keje ile kinya ni kik'ix aj Israel.

GÉNESIS 3:15

Kinkoj ni ch'oj chixol ru' ixoq le, xaq chkixol amuq axikin ku' umuq uxikin ixoq le; i umuq uxikin i ixoq le kkiwach' ni ajolom, xwiri yet karaxij ni kixtixil. Keje ile xub'ij i Dios che i kumatz.

AMÓS 3:9

Chiwesaj ub'ixkil yix pa nimaq taq ja ke i ajawinelab' re i Asdod xaq i pa nimaq taq ja ke i ajawinelab' re i Egipto: “Chixpet chwi taq jyub' re i Samaria; chiwila i xaqmanal chi ktijin u'anik chupam i tinimit le xaq i kamik chi ktijin u'anik chila.”

NEHEMÍAS 4:6

Yoj xqamayij ti uyakik i tapial chi nim uwach chi qayakom chik nik'aj che. I winaq lik kekikot chu'anik i chak.

NEHEMÍAS 4:8

konojel junam xkich'ob' u'anik ch'oj chkij aj Jerusalén anb'al k'ax chke konojel.

NEHEMÍAS 6:16

Are xketamaj i je ajch'oj chqij xaq i jalajuj taq tinimit chi je o chqij chqawach, lik xkixij kib' xaq xpe kik'ix man xkinab'ej chi i chak le x-antajik man i Qajwal Dios xojuto.

JEREMÍAS 41:10

Xwi ta la ile, i ma Ismael xeuchap i umi'al i ajawinel xaq i winaq chi k'a je o kan chila pa Mizpa, are ma Nabuzaradán, chi aj-ok'al utzam ajchajinelab', chi xeuya te'eq chuxe' utaqanik ma Gedalías. I ma Ismael xeuchapo, te'uri xumaj b'i ub'e re kik'aw pa ulew Amón.