NEHEMÍAS 4:6 - Wuj Pa K'ubultzij

⁶ Yoj xqamayij ti uyakik i tapial chi nim uwach chi qayakom chik nik'aj che. I winaq lik kekikot chu'anik i chak.

NEHEMÍAS 4:6 Referans Kwoze

Filipenses 2:13

man are i Dios ktijin che uchak pik'ux yab'al re i utz laj rayijb'al chu'ankil pacha kraj ire, xaq kuya'o wach i rajwaxik chiwe.

Hebreos 13:21

Kintz'onoj che i Dios chi chu'ana ni suk'ul laj taq winaq chiwe ru' ronojel ni'pa i ki'ano, man keje ile ki'an na pacha urayijb'al uk'ux ire. Chu'ana ni wach i utz kraj Ire chqe, chu'ana pqak'ux rumal i Jesucristo, chi aj-anol uchak i Dios pqak'ux. ¡Choksax u'ij ronojel ij saq! Keje ile kqaj (Amén).

NEHEMÍAS 6:15

I tapial chi nim uwach xutzin che i ij jo'ob' juwinaq (25) re i ik' Elul, i chak le kab'lajuj kawinaq (52) ij xki'an chu'anik.

PRIMER LIBRO DE CR%D3NICAS 29:14

Xwiri ¿In pachin wa yin xaq je pachin wa intinimit, man we kojtiki chuya'ik jalajuj taq b'iroxik chawe? Man ronojel lik awe yet, xwi kqaya chawe ni'pa aya'om yet chqe.

PRIMER LIBRO DE CR%D3NICAS 29:3

Xwiri rumal i k'axnab'al ink'ux che i rachoch in-Dios, yin kinjach i an-o'oj xaq i saq-o'oj chi lik we yin che i rachoch i Dios, tz'ab'b'al re ni'pa inyijb'am chik, yakb'al re i rachoch i Dios:

Salmos 110:3

Che taq i ij re i ch'oj, i achiyab' chi je yij che i ch'oj lik ru' ronojel kik'ux kkisujuj ni kib' chato'ik. Chila pkiwi i lo'laj taq jyub', k'a chila ipa kel wi li i ij, xaq i ak'aslemal k-on na chi ij ij ktzalij pa k'ak'alil.

SEGUNDO LIBRO DE CR%D3NICAS 29:36

I ma Ezequías xaq konojel i winaq lik xekikot rumal ni'pa xu'an i Dios ku', man ronojel lik juntir x-antajik.

NEHEMÍAS 4:5

Makuy ni'pa itzel laj taq anik chi kki'ano xaq makuy kimak chke, man kiyo'yam ni'pa i ketijin chuyijb'axik i tapial chi nim uwach.”

NEHEMÍAS 4:7

Xwiri, are xketamaj ma Sanbalat, ma Tobías, je aj Arabia, aj Amón xaq aj Asdod chi uyijb'axik i tapial chi nim uwach chrij i Jerusalén, xmayix taj, xaq xjeqan utz'apixik i jalajuj taq k'ijib'al ipa o wi uchija, are uri lik xpe jun nim laj koywal,

Salmos 122:3

Jerusalén tinimit chi lik utz u'anik antalik, ipa kkimol wi kib' i winaq.

Hageo 1:14

Keje uri ile, i Ajwal xuya ukowil uk'ux ma Zorobabel, chi aj-atol tzij re i Judá, ma Josué chi aj-atzil ke ajsujul sipon, xaq i winaq chi je kanajnaq kanoq, che i ij kajib' juwinaq re uwaq ik' re ukab' junab' re rajawinik i ajawinel ma Darío, xkijeq tan chik uyakik i rachoch i Ajwal Dios, i Ajwal chi ronojel ktiki che.