NEHEMÍAS 4:16 - Wuj Pa K'ubultzij

¹⁶ Lik che taq i ij le, nik'aj chke inwinaq xkijeq u'anik i chak, xaq i nik'aj chik xkiyijb'a kib' che i ch'oj, kok'am i che' ch'ich' utzam pki'ab', tob'al ib', ch'ab' xaq tob'al uwach kik'ux. Konojel aj-atzil xekito i winaq aj Judá

NEHEMÍAS 4:16 Referans Kwoze

NEHEMÍAS 4:23

Xwi ta la ile, mitene yin, mitene watz incha', mitene i ajtol we, xaq mitene achiyab' chi je ajchajinel chi in kachnimam, kqesaj qa'u', chqajujunal o qache' ch'ich' utzam pqa'ab'.

Salmos 101:6

Kinya ni ink'ux chke i je suk'ul laj taq winaq chwach ulew, man keje ile kejeqi ni wu' Yin; xwi i suk'ul kik'aslemal kki'an ni kipatan chwij.

NEHEMÍAS 4:15

I ajch'oj chqij, are xketamaj chi yoj oj yijilik xaq i Dios xuyojo wach taq kich'ob'om ike, qonojel yoj xoj-e chila ipa o wi tapial chi nim uwach, are uri xqajeq chik qachak chqajujunal.

NEHEMÍAS 4:17

chi ketijin chuyakik i tapial chi nim uwach. Konojel ni'pa kkerej b'i i eqan, lik xkimayij ti uk'amik b'ik, xwiri ru' jun ki'ab' kechakunik xaq ru' i jun chik kok'am jun b'iroxik anb'al ch'oj.

JEREMÍAS 46:4

¡Cheiwiqa i kaway! ¡Yix chi ix ajrij kaway, chix-anoq! ¡Chikojo i tob'al ijolom xaq chi'ana jun cholaj che iwib'! ¡Chi'ana uware i che' ch'ich' utzam! ¡Xaq chikojo i tob'al iwib'!

ÉXODO 28:32

Ka'an jun tel punik'ajal re rokb'al jolomaj, kab'us uchi' te'uri kakoj t'is chi taq uchi' le re ukowib'al, pacha k-ani che jun chaleco tz'um, man kraqch'ij taj.

Cantares 3:8

Konojel ike le keta'am ch'oj ru' ch'ich' chi k'ulala o uware xaq lik keta'am u'anik i ch'oj, chkijujunal kiya'om kich'ich' chwi taq ka' chi k'ulala o uware, re tob'al kib' chwach wach taq kkiriq pa taq equm.