NEHEMÍAS 4:12 - Wuj Pa K'ubultzij

¹² Xwiri, i winaq aj Israel chi je jeqel naqaj chke ike, xek'un lajujmul chub'ixkil chqe, chi i winaq le ke'ok b'i chu'anik ch'oj chqij pa taq k'ulala,

NEHEMÍAS 4:12 Referans Kwoze

Job 19:3

K'iyalmul chik k'ax ix ch'awnaq chwij, ¿Kixk'ix ti b'ari chub'ixkil ronojel ile chwe?

NÚMEROS 14:22

rumali konojel i winaq chi kilom in-ij inchomal xaq ni'pa i nimaq taq il chi xin-an pa Egipto, ni'pa xin-an pa taq tz'inilik jyub' chaqij chi xaq k'iyalmul xkik'am inpam, xwi ta la ile, xaq xekojon ti chwe.

GÉNESIS 31:41

I juwinaq (20) junab' chi xinchakun awu' le jalajuj taq xink'ulmaj: Man kajlajuj junab' xinchakun kumal i keb' ami'al xaq waqib' junab' xinchakun kumal achij, xaq che i juwinaq junab' le k'iyal mul xayoj i wajil.

GÉNESIS 31:7

xwiri ire k'iyalmul in ut'orom, man lajujmul uyojom i wajil; xwiri i Dios uya'om ti che chi ku'an taq i utz taj chwe.

NEHEMÍAS 4:11

I ajch'oj chqij, xkich'ob' ike chi yoj kqetamaj taj xaq kqil ti ub'e wach kich'ob'om ike, k'a ke'ok ni chqaxol kamsab'al qe xaq u'atixik i chak.

NEHEMÍAS 4:13

xinya jun taqanik chke i winaq, chi pa taq alk'uwalil kek'iji ni chrij i tapial chi nim uwach; pa taq jul, xaq chuxol taq b'e ru' ch'ich' chi o uware k'ulala, che' chi ch'ich' utzam xaq i ch'ab'.

Daniel 1:20

Che ronojel i b'iroxik chi rajwaxik b'iwil che xaq no'oj, puwi ile i ajawinel xutz'onoj chke, xeuriq lajujmul chi lik mas o kino'oj chkiwach konojel i o kino'oj xaq i je ajnanel chi je o chupam rajawinik.