NEHEMÍAS 3:5 - Wuj Pa K'ubultzij

⁵ I juperaj chik xkiyijb'a aj Tecoa, xwiri i achiyab' chi nimaq kopis xkaj ti u'anik i chak le chi re i Dios.

NEHEMÍAS 3:5 Referans Kwoze

NEHEMÍAS 3:27

I winaq chi je o pa tinimit Tecoa, ike xkiyijb'a juperaj che i tapial chi xjeqan b'i chwach i nim laj ja tak'tik chi k-aljin k'a chila che i tapial re Ofel.

2 Samuel 14:2

are uri xutaq uk'amik jun saqlej laj ixoq chi jeqel pa tinimit Tecoa, xub'ij che: “Lik cha'ana che awib' chi lik katb'ison che jun kamnaq, chakojo a'u' re b'is xaq makoj kunb'al muy chawij man keje ile kak'utb'ej chi lik ujer tan katb'ison che i kamnaq le.

1 Corintios 1:26

Chk'un chik'ux wach te i'anom yix are xixu'ul i Dios. I winaq kkib'ij chi xa jujun chiwe yix o i no'oj, lik xa jujun chiwe o te ipatan chi o u'ij; xaq xa jujun chiwe chi lik o ki'ij iqajaw ichuch.

Hechos 15:10

Rumali, ¿B'uchak chi kiwaj taq kixch'ojin chrij i Dios man keitaq i winaq chu'anik ile chi mitene yoj xaq mitene i qatit qamam oj tikinaq chu'anik?

Mateo 11:29

Chiya iwib' che inyuku chi kinkoj chiwe; chixnaw ni wu' Yin, man Yin nim ink'ux, xaq utz ink'ux chiwe. Keje ile kiriq ni uri uxlanb'al ik'ux.

AMÓS 1:1

Iri are i utzijonik ma Amós, ajyu'ul chij aj pa tinimit Tecoa, xya' che rumal i Dios chrij i tinimit Israel, che i keb' junab' chuxe'el kab'raqan, che rajawinik i ma Uzías, ajawinel re Judá, xaq re i ma Jeroboam, chi uk'ojol ma Joás, ajawinel re Israel.

JEREMÍAS 27:12

Yin, chi in ma Jeremías, xinkamulij ub'ixkil ronojel iri che ma Sedequías, chi ajawinel re i tinimit Judá, xaq xinb'ij che: “Chiya iwib' pu'ab' i ajawinel re i tinimit Babilonia, xaq pu'ab' utinimit, keje ile kixk'asi na.

JEREMÍAS 27:8

We o jujun nimaq taq tinimit xaq we ajawinelab' chi kkiya ti kib' pu'ab' ma Nabucodonosor, Yin kinya ni utojb'alil pkiwi, ru' nimaq taq ch'oj, ru' wa'jal xaq ru' itzel laj taq yob'il, k'a kekanaj ni konojel pu'ab'. Yin in Ajwal, xinb'iw ile.

JEREMÍAS 27:2

xub'ij che: Cha'ana jub'an kolob' xaq jun yuku, te'uri chaxima ronojel rij aqul.

Jueces 5:23

I ángel re i Ajwal kutzijoj: “¡Chpet ni jun k'ax laj tojpen puwi ma Meroz xaq pkiwi konojel uwinaq!” Man xeupon ti chkito'ik i ajch'oj re i Ajwal pacha xki'an i ko kiwach.

NEHEMÍAS 3:4

I juperaj chik che i tapial chi nim uwach xuyijb'a ma Meremot, chi uk'ojol ma Urías, chi ri umam ma Cos; i juperaj chik xuyijb'a ma Mesulam, chi uk'ojol ma Berequías, chi ri umam ma Mesezabeel; i juperaj chik xuyijb'a ma Sadoc chi uk'ojol ma Baana.

NEHEMÍAS 3:6

Ma Joiada, chi uk'ojol ma Paseah, xaq ma Mesulam, chi uk'ojol ma Besodías, xkiyijb'a uchija Jesaná ub'i. Xkikoj et che xaq xkikoj uchija chi o lawe che xaq i che' chi k-eb'ax chrij.

SEGUNDO LIBRO DE CR%D3NICAS 11:6

Xukowij rij i jalajuj taq tinimiti ru' tapial nim uwach: Belén, Etam xaq i Tecoa,

JEREMÍAS 6:1

¡Ix jutzob'aj re ma Benjamín chix-anmajoq, chitzukuj i k'ijib'al re tob'al ib', chixel chila pa tinimit Jerusalén! Chixut'ij i trompeta pa Tecoa, chiyaka jun ilb'al re chila Bet-haquerem, man jun uyej, jun nim laj k'ax kpe pqawi chi upetik pa moxab'.