NEHEMÍAS 2:8 - Wuj Pa K'ubultzij

⁸ xaq jun chik wuj chi kinya che ma Asaf, chi ajchajinel re i k'achelaj re i ajawinel, chi kuya i che' chwe re kinyijb'a jalajuj taq uchija re rachoch i Dios, xaq re i tapial chi nim uwach chi o chrij chwach i tinimit xaq re i ja ipa kink'iji wi yin. Are uri i ajawinel xuya ronojel ni'pa rajwaxik chwe, man i lo'laj rutzil uk'ux i Dios o wu'.

NEHEMÍAS 2:8 Referans Kwoze

Esdras 7:6

I ma Esdras le are jun tijonel chi k'uttal i atb'al tzij che chi uya'om i Ajwal, chi ki-Dios aj Israel, che ma Moisés, xwi ta la ile, xaq kto' rumal i Ajwal, rumali chi i ajawinel ma Artajerjes xuya ronojel ni'pa xutz'onoj che. Keje uri ile chi, che uwuq junab' rajawinik ma Artajerjes, ma Esdras xel li pa Babilonia,

ISAÍAS 66:14

Yix are kiwil ile, ik'ux lik kkikot na; i ich'akul k-on ni chik k'ak' pacha utux ichaj. I Ajwal kuya retamaxik ucho'ab' chkixol i rajpatanib', xaq i roywal kuya ni retamaxik chkixol i je ajch'oj chrij.

NEHEMÍAS 7:2

Are uri xintaq b'i incha' ma Hanani xaq ma Hananías, chi aj-atzil ke ajchajinelab' re i tinimit Jerusalén, man lik kul ink'ux che, xwi ta la ile, xaq lik mas kukoj u'ij i Dios chkiwach i jub'an chik winaq.

Daniel 1:9

Rumal uchak i Ajwal, i aj-atzil re i chak pa nim laj rachoch i ajawinel xrilo chi lik utz laj achi a Daniel,

Esdras 5:5

Xwiri i Dios lik keuto i aj-ok'al utzam i chak chi je aj Judío, rumali ike xkimayij ti u'anik i chak k'a xkitaq nu b'i jun wuj che ma Darío xaq k'a xkoy-ej na wach xb'ix li chke.

GÉNESIS 32:28

Are uri i achi le xub'ij che: —Kb'ix ti chik ma Jacob chawe, wo'or ma Israel kb'ix ni chawe, man xapaj awib' pa cho'ab' ru' i Dios xaq ku' i winaq, xwiri yet xatch'akanik —xcha.

2 Corintios 8:16

K'amori che i Ajwal man u'anom che i ma Tito chi kraj ire kixuto keje pacha i kwaj yin.

Hechos 26:22

Xwiri ru' utob'al i Dios, yin lik inkub'am ink'ux che k'a are o wi wo'or, kinb'ij utzij i Dios chke konojel i winaq, chke ch'utiq xaq chke nimaq. Yin nti taq to' junwi tzij kinb'ij chke we are ti wach kib'im kan i profeta xaq pacha ub'im kan ma Moisés, chi kk'ulmax na k-on panoq:

Hechos 7:10

man xresaj pa jalajuj taq k'ax chi xutijo. Xuya unojb'al xaq xuya u'ij, rumali i ma faraón chi ajawinel re Egipto xuya ma José pa aj-ok'al utzam i jalajuj taq tinimit re Egipto xaq pa nim laj rachoch i ajawinel le.

Proverbios 21:1

Unojb'al i ajawinel pu'ab' i Ajwal, keje pacha i raqana, chi lik are ku'ano pacha kraj i Ajwal.

Esdras 6:22

Lik ru' jun nim laj kikotemal xkich'ij wuqub' ij chu'anik i nima'ij re i wa re trigo chi nti kunb'al ru', man i Ajwal xuya jun nim laj kikotemal chke xaq xu'an che i ajawinel re i tinimit Persia chi xeuto chu'anik i rachoch i Dios, chi ki-Dios aj Israel.

ECLESIASTÉS 2:5

Xintik intikon xaq inkotz'ij xaq chupam ile xintik ronojel i jalajuj taq uche'lal echa'.

ECLESIASTÉS 2:6

Xinyijb'a nimaq taq k'olb'al ya, ja'b'al re ronojel ni'pa i che' chi xintiko.

Esdras 6:8

Iri are intaqanik tob'al ke aj-ok'al utzam ke aj Judío, man kkiyak tan chik i rachoch i Dios: Ru' i alkawal chi kumol i ajawinel chke i winaq chi je o pusuk' i qajb'al ij che i raqana Éufrates, su' ktoj ni ronojel ni'pa rajwaxik chi ktojik che i ij chi ch'iktalik, man keje ile kch'aqi ti chak.