NEHEMÍAS 2:7 - Wuj Pa K'ubultzij

⁷ Xwi ta la ile, xaq xinb'ij che chi we kuch'ob' ire chi utz, chuya b'i uri jun wuj re taqanik chwe, chi kinya chke aj-ok'al utzam chke i jalajuj taq tinimit chi je o pusuk' i qajb'al ij che i raqana Éufrates, man keje ile kkiya ni chwe chi kinik'awik, keje ile kinupon ni k'a pa tinimit Judá;

NEHEMÍAS 2:7 Referans Kwoze

Esdras 7:21

Yin, ma Artajerjes, chi in ajawinel, kinya jun taqanik chke konojel ajk'olon mer chi je o pusuk' i qajb'al ij che i raqana Éufrates, chi lik kkiya ronojel ni'pa kutz'onoj ma Esdras, chi ajsujul sipon chi xaq tijonel che ronojel ni'pa utaqanik xaq u'atb'al tzij i Dios aj chikaj,

NEHEMÍAS 2:9

Are xinupon chkiwach aj-ok'al utzam i tinimit chi je o pusuk' i qajb'al ij re i raqana Éufrates, xinjach i wuj chke chi utaqom b'i i ajawinel, xwi ta la ile, xaq i ajawinel le xeutaq b'i jutzob'aj aj-atzil chke achiyab' chi je yij che i ch'oj wu', xaq jub'an chik achiyab' chi je yij che i ch'oj ajrij taq kaway.

Esdras 8:36

Te'uri xkijach i wuj re utaqanik i ajawinel chke je aj-ok'al utzam i tinimit xaq chke i aj-ok'al utzam i jalajuj taq tinimit chi je o pusuk' i qajb'al ij che i raqana Éufrates, ike le xkiya kiwach chkito'ik i winaq xaq i rachoch i Dios.

Esdras 6:6

Are uri i ajawinel ma Darío xuya i taqaniki che ma Tatnai, chi aj-ok'al utzam i tinimit chi o pusuk' i qajb'al ij che i raqana Éufrates, xaq che ma Setar-boznai junam ku' rachi'il chi aj chila che i tinimit le. Chixel chila pa Jerusalén

Esdras 8:22

Xink'ix chutz'onoxik che i ajawinel chi kuya b'i achiyab' je yij che i ch'oj ajrij taq kaway chqe man kojkichajij pa taq b'e chkiwach i ajch'oj chqij, man qab'im che i ajawinel chi i Dios keuchajij konojel ni'pa kkitzukuj Ire, xwiri xaq kpe roywal chke konojel ni'pa kko'taj kanoq.

NEHEMÍAS 3:7

I juperaj chik xkiyijb'a ma Melatías aj Gabaón, ma Jadón aj Meronot, winaq aj Gabaón, aj Mizpa. I jalajuj taq k'ijib'al le je o pu'ab' i aj-ok'al utzam chke i tinimit chi o pusuk' i qajb'al ij che i raqana Éufrates.