NEHEMÍAS 2:6 - Wuj Pa K'ubultzij

⁶ I ajawinel chi kul chutzal ati ajawinel, xub'ij chwe: —¿Ni'pa junab' ka'ana? ¿Junpa kattzalij chaloq? Yin xinb'ij che junpa kintzalij chaloq, are uri ire xuya chwe chi kin-ek.

NEHEMÍAS 2:6 Referans Kwoze

NEHEMÍAS 13:6

Are xuk'ulmaj ronojel ile, yin in o ti chila Jerusalén, man che i junab' kab'lajuj juwinaq (32) che rajawinik ma Artajerjes, yin xintzalij chik pa Babilonia chwach i ajawinel; tupu are xik'aw keb' oxib' junab' xintz'onoj che i ajawinel

ISAÍAS 65:24

Chuxe'el insik'ixik kumal, yin kinla' ni uwach chke, are k'amaja keutzin chub'ixkil yin lik intom chik wach kkib'ij.

NEHEMÍAS 5:14

Kab'lajuj junab', chi kjeqan b'i che i junab' juwinaq, are xinuya kan ma Artajerjes chi ajawinel, chrok'axik utzam i jalajuj taq tinimit Judá, k'a che i junab' kab'lajuj juwinaq (32) re rajawinik, mitene yin xaq mitene i je tol we xqak'am qajil.

ISAÍAS 58:12

Atinimit kkiyak chik ronojel ni'pa i wulijnaq ujer xaq lik kkiya chik ucho'ab' ukub'ib'al i tinimit chi kojtal ujer. Kya' ni pub'i atinimit: Ajyijb'al tapial tzaqnaq, ajyakol ja wulijnaq.

NEHEMÍAS 2:4

Are uri i ajawinel xub'ij: —¿Wach kin-ano tob'al awe yet? Are uri yin xinya wib' pu'ab' i Dios aj chikaj,

ISAÍAS 61:4

Kkiyak chik i ujer taq ja chi je wulijnaq, kewalij chik i nimaq taq ja chi je wulijnaq te'eq ujer, xaq keyijb'ax ni ni'pa i tinimit chi ya kewulijik.

NEHEMÍAS 1:11

Kintz'onoj k'iyal mul utzil chawe Ajwal, lik chata na wach kintz'onoj chawe xaq lik cheata ni awajchak, chi xwi kkaj ukojik a'ij. Xaq kintz'onoj chawe chi cha'ana ni chwe chi ronojel ni'pa kin-ano lik kinel ni utz ru' xaq cha'ana ni chwe chi kinriq utzil chwach i ajawinel. Che taq i ij le, yin in ajya'ol te'eq uwa'al uva muqb'am che i ajawinel ma Artajerjes.

NEHEMÍAS 2:5

xaq xinb'ij che i ajawinel: —We kumaj awach, Nim laj Winaq, xaq we inriqom rutzil ak'ux, kintz'onoj uri chawe, Nim laj Winaq, chinataqa b'i pa Judá, chila pa tinimit ipa je muqtal wi inqajaw inchuch, man yin kinyijb'a ni'pa wulkrijnaq che.

Daniel 9:25

O uchak kawetamaj xaq kata ub'e iri: Lik are kataq uyijb'axik xaq uyakik i tinimit Jerusalén, k'a kupon ni i aj-atzil chi o u'ij xaq ch'ikom rij, kik'aw ni wuqub' seman, pa taq b'e xaq i tapial chi yijb'am chik re i tinimit Jerusalén lik kuch'ij ni keb' oxwinaq (62) seman, xwiri lik che taq ij le lik k'i uyej.