NEHEMÍAS 12:1 - Wuj Pa K'ubultzij

¹ Iri are ajsujul sipon xaq aj Leví chi xetzalij li ru' ma Zorobabel, chi uk'ojol ma Salatiel, xaq ru' ma Jesúa: Chke ajsujul sipon, je are iri: Ma Seraías, ma Jeremías, ma Esdras,

NEHEMÍAS 12:1 Referans Kwoze

ZACARÍAS 6:11

Ru' i an-o'oj xaq i saq-o'oj chi xamolo, cha'ana k'iyal taq koron che, i chakojo jun che ujolom i ma Josué chi atz laj ajsujul sipon, chi uk'ojol i ma Josadac.

Hageo 2:2

i xub'ij che chi kub'ij che i ma Zorobabel, che ma Josué xaq chke i winaq chi je o chila:

Hageo 1:14

Keje uri ile, i Ajwal xuya ukowil uk'ux ma Zorobabel, chi aj-atol tzij re i Judá, ma Josué chi aj-atzil ke ajsujul sipon, xaq i winaq chi je kanajnaq kanoq, che i ij kajib' juwinaq re uwaq ik' re ukab' junab' re rajawinik i ajawinel ma Darío, xkijeq tan chik uyakik i rachoch i Ajwal Dios, i Ajwal chi ronojel ktiki che.

Hageo 1:12

I ma Zorobabel, ma Josué xaq i winaq chi je kanajnaq chila lik xkixij kib' are xkita wach kub'ij i Ajwal chke pub'i i profeta ma Hageo, iri are i tzij chi Ajwal Dios uya'om te chuqul ub'ixkil.

Hageo 1:1

Che ukab' junab' re u'atik tzij re i ajawinel ma Darío, che i nab'e ij re uwaq ik', i Ajwal xub'ij che i profeta Hageo, chi k-e chub'ixkil che i atol tzij re Judá, ma Zorobabel chi uk'ojol i ma Salatiel, xaq che i aj-ok'al utzam ke i ajsujul sipon, ma Josué, uk'ojol ma Josadac.

NEHEMÍAS 12:10

I uk'ojol ma Jesúa are ma Joiacim, i uk'ojol ma Joiacim are ma Eliasib, i uk'ojol ma Eliasib are ma Joiada,

Esdras 5:2

Are uri ma Zorobabel, chi uk'ojol ma Salatiel, xaq ma Jesúa, chi uk'ojol ma Josadac, xe'ok chik chuyakik i rachoch i Dios pa Jerusalén xaq i je profeta je o ku' chkito'ik.

Esdras 4:2

are uri xe'e ru' ma Zorobabel, ru' ma Jesúa xaq ku' i aj-atzil ke alk'uwal; xkib'ij chke: —Chiya ni chqe chi kixqato chuyakik i rachoch i Dios, man yoj xaq qatzukum i Dios chi kikoj u'ij yix, xaq qasujum qaporom sipon che are xujeq ajawinik ma Esar-hadón, chi ajawinel pa tinimit Asiria, chi xaq are ire xojuk'am li waral.

Esdras 3:8

Ma Zorobabel chi uk'ojol ma Salatiel, ma Jesúa chi uk'ojol ma Josadac, junam ku' i kachi'il chi je ajsujul sipon xaq je aj Leví, xaq konojel ni'pa i winaq chi xetzalij chik Jerusalén, xkijeq uyakik i rachoch i Dios che ukab' ik' re ukab' junab' ketzalij chik pa Jerusalén, xkiya i chak le pki'ab' aj Leví chi o chik juwinaq junab' chke.

Esdras 3:2

Are uri ma Jesúa, chi uk'ojol ma Josadac, xaq i je rachi'il chi ajsujul sipon junam ru' ma Zorobabel, chi uk'ojol ma Salatiel, xaq i rachalal, xkijeq uyijb'axik i sujb'al usipon i Dios aj Israel, man puwi kkisujuj wi i porom sipon, chrij pacha kub'ij u'atb'al tzij ma Moisés chi rajpatan i Dios.

Esdras 7:7

x-e pa Jerusalén je rachnimam b'i jutzob'aj aj Israel chi je ajsujul sipon, aj Leví, ajb'ix, ajchajal re uxol taq uchija xaq aj-anol kipatan prachoch i Dios.

NEHEMÍAS 11:36

Xwi ta la ile, xaq jujun chke aj Leví xya' kulew chila ku' utzob'ajil ma Judá xaq ku' utzob'ajil ma Benjamín.

NEHEMÍAS 12:2

ma Amarías, ma Maluc, ma Hatús,