NEHEMÍAS 11:3 - Wuj Pa K'ubultzij

³ Are i aj-atzil chi xe'ejeqi pa Jerusalén xaq che ronojel i ulew Judá je are iri: Aj Israel, ajsujul sipon, aj Leví, ni'pa kki'an kipatan prachoch i Dios, xaq kimuq kixikin aj-anol kipatan chrij ma Salomón, chkijujunal xejeqi pkitinimit xaq chwach kulew.

NEHEMÍAS 11:3 Referans Kwoze

NEHEMÍAS 7:73

I je ajsujul sipon, aj Leví, i kechajiw xol taq uchija, ajb'ix, i winaq re i tinimit, i aj-anol kipatan prachoch i Dios xaq konojel aj Israel, xejeqi pa taq kitinimit. Are xuriqa uwuq ik', i aj Israel je jeqel chik pkitinimit.

Esdras 2:43

I ajpatanib' prachoch i Dios, je are umuq uxikin ma Ziha, ma Hasufa, ma Tabaot,

Esdras 2:1

Iri are kib'i aj Israel chi xealax chila pa Judá chi xe'elsax b'i pa cho'ab' chwach kulew rumal i ajawinel ma Nabucodonosor aj Babilonia, chi chrijil chik kelsaxik b'i pa cho'ab' chwach kulew, xetzalij chik pa Jerusalén, xek'iji pa jalajuj taq k'ijib'al chila Judá, lik o jujun kok'aw utzam chke pa taq tzob'ajil, ike le je are iri: Ma Zorobabel, ma Jesúa, ma Nehemías, ma Seraías, ma Reelaías, ma Mardoqueo, ma Bilsán, ma Mispar, ma Bigvai, ma Rehum xaq ma Baana.

NEHEMÍAS 11:20

I jub'an chik aj Israel xaq jub'an chik ajsujul sipon, xaq aj Leví, ike xejeqi che jub'an chik tinimit pa Judá, chkijujunal xek'iji chwach i kulew;

NEHEMÍAS 7:6

Iri are kib'i aj Israel, chi je alaxel pa tinimit Judá, chi xe'elsax b'i pa cho'ab' chwach kulew rumal i ajawinel ma Nabucodonosor, chrijil chik ile xetzalij chali pa Jerusalén xaq pa jalajuj taq k'ijib'al pa Judá, lik chkijujunal xe'e pa taq kitinimit: Ma Zorobabel, ma Jesúa, ma Nehemías, ma Azarías, ma Raamías, ma Nahamani, ma Mardoqueo, ma Bilsán, ma Misperet, ma Bigvai, ma Nehum xaq ma Baana.

Esdras 2:70

I ajsujul sipon, aj Leví xaq jujun chke i winaq re i tinimit xekanaj kan pa jeqelem chila Jerusalén; xwiri i ajb'ix, ajchajal, konojel ni'pa kki'an kipatan prachoch i Dios xaq i jub'an chik aj Israel, xekanaj kan pa taq kitinimit.

NEHEMÍAS 11:4

Jujun aj Judá xaq jujun aj Benjamín chi xejeqi pa Jerusalén chi je utzob'ajil ma Judá je are iri: Ma Ataías, chi uk'ojol ma Uzías, i ma Uzías le uk'ojol ma Zacarías, i ma Zacarías le uk'ojol ma Amarías, i ma Amarías le uk'ojol ma Sefatías, i ma Sefatías le uk'ojol ma Mahalaleel, i ma Mahalaleel le umuq uxikin ma Fares.

NEHEMÍAS 7:39

I je ajsujul sipon chi je umuq uxikin ma Jedaías, chi je ralk'uwal ma Jesúa, je oxlajuj wajxaqwinaq kamo' (973);

NEHEMÍAS 7:43

I aj Leví chi je umuq uxikin ma Jesúa xaq re ma Cadmiel, chi xaq je umuq uxikin ma Hodavías, je kajlajuj oxwinaq (74).

NEHEMÍAS 7:46

I je aj-anol patan prachoch i Dios, je are umuq uxikin ma Ziha, ma Hasufa, ma Tabaot,