NEHEMÍAS 1:2 - Wuj Pa K'ubultzij

² are xupon incha' ma Hanani junam ku' jub'an achiyab' chi je petnaq pa Judá. Are uri xintz'onoj chke wach u'anom i Jerusalén xaq aj Israel chi xe'anmaj chwach kelsaxik b'i pa cho'ab' chwach kulew.

NEHEMÍAS 1:2 Referans Kwoze

NEHEMÍAS 7:2

Are uri xintaq b'i incha' ma Hanani xaq ma Hananías, chi aj-atzil ke ajchajinelab' re i tinimit Jerusalén, man lik kul ink'ux che, xwi ta la ile, xaq lik mas kukoj u'ij i Dios chkiwach i jub'an chik winaq.

Ezequiel 6:9

Ni'pa i xek'asi kanoq kink'un ni chkik'ux pa nimaq taq tinimit le; kk'un ni chkik'ux ni'pa i k'ax xin-an chke rumal xekojon ti chwe xaq xinko'taj kanoq man xeterej chrij i tiox chi xaril je antalik re kojb'al ki'ij. Ike lik kmuluw ni kik'ux chke kib' rumal ni'pa i utz taj ki'anom, xaq rumal ni'pa i ch'am taj chi xki'an pkik'aslemal.

Ezequiel 7:16

Tupu o jujun ketiki che anmajik chwi taq jyub', pacha taq palomax je xib'tajnaq, konojel kekam ni rumal kimak.

JEREMÍAS 44:14

Lik mijun chke i keb' oxib' aj Judá chi xe'e pa jeqelem pa Egipto, ketotaj taq chwach i kamik, tupu lik kkaj ketzalij chal pa Judá re kejeqi chik chila, lik ketzalij ti chaloq, xwi ni i jujun chi ketiki che anmajik.

Esdras 9:14

¿Xatab'a k'a kojqelan che atzij apixab' xaq kqa'an tan chik qachalal chke i winaq chi kki'an itzel taq anik? ¿Xatab'a kpe ti awoywal chqe xaq kachup ti qawach qonojel chi lik mijun kk'asi kan chqe?

GÉNESIS 14:10

Ronojel uwach i ta'aj re i Sidim le lik k'i i k'otom olik chi nojnaq che i ol eq, are xe'anmaj i ajawinel re i tinimit Sodoma xaq ajawinel re i tinimit Gomorra xetzaq chupam i k'otom le; i jub'an chik ajawinelab', xkich'ij anmajik chwi taq jyub'.

2 Reyes 24:14

Te'uri xeuk'am b'i konojel ni'pa winaq aj Jerusalén prexil, xaq konojel i je aj-atzil, i achiyab' chi lik je yij che i ch'oj xaq lik ko kiwach, aj-anol jalajuj taq b'iroxik pa ab'aj xaq konojel je ajch'ayol ch'ich'. K'a xetz'aqat ni jo'mo' juchiy (10,000) winaq chi xek'am b'i prexil. Mijun winaq xkanaj kan pa nim laj tinimit, konojel xe'e prexil, xwi xek'am tu b'i i winaq chi lik je nib'a'.

2 Reyes 25:12

Xwi xkiya kan jujun winaq chi lik je nib'a', man kechakun chwach i ulew xaq kkitik uva.