NAHUM 3:7 - Wuj Pa K'ubultzij

⁷ Konojel ni'pa i katkilo ke'anmaj ni chawach, kkib'ij na: ¡I tinimit Nínive lik sachnaq chik uwach! ¿Pachin nawi kril tob'al uwach? ¿Ipa nawi keinriq wi kkub'saw ak'ux?

NAHUM 3:7 Referans Kwoze

JEREMÍAS 15:5

¿Pachin wa k-ilaw tob'al awach yet Jerusalén? ¿Pachin wa k'ax kuna uk'ux wach kak'ulmaj yet? ¿Pachin wa kk'achir che i rutzil awach?

ISAÍAS 51:19

I keb' uyej chi xpe pawi are iri: I atinimit xsachsax uwach xaq xjok b'i ronojel ni'pa o chupam, xaq i awinaq xekam rumal i numik xaq rumal i ch'oj. ¿Pachin taq wa k'ax kuna uk'ux wach xak'ulmaj? ¿Pachin taq wa kkub'saw ak'ux?

Apocalipsis 18:10

Ketak'i ni k'a naj rumal kixib'rikil; lik kkixij ni kib' che i tojpen chi kpe puwi i tinimit le, xaq kkib'ij na: “¡Ay, to' awach yet, at nim laj tinimit Babilonia! ¡Yet chi nim acho'ab', lik juntir xpe i tojpen pawi!” Kkib'ij na.

Lamentaciones 2:13

¿Wach nawi ru' katinjunamsaj wi chom laj tinimit Jerusalén? ¿Wach nawi jun k'utunik kin-an yin chawe re kinyu'uj axikin, lik ch'am xaq chom nim laj tinimit Sion? Lik nim pacha i nim laj mar keje ile xu'on uk'isik awach; ¿Pachin nawi kuya i uxlanem chawe wo'or?

JEREMÍAS 51:9

Ya xqakoj kunb'al che i tinimit Babilonia, xwiri lik xkuntaj taj. ¡Chiya kanoq! Jo'; chojel b'i chi, chqajujunal jo pqatinimit, man i kamik chi x-anik kupon k'a chikaj, kwalijik kupon k'a pa taq sutz'.

NÚMEROS 16:34

Are xtatajik chi xesik'inik, are uri konojel aj Israel chi je o chkij chkiwach, pa'anem xe'anmajik xaq xkib'ij: “¡Mojub'i' b'i ulew junam ku' ike!” Xecha.

NAHUM 1:1

I wuj re i ma profeta Nahum aj Elcos chi xril puwach. Iri lik are i tzijonik re i Ajwal chrij i tinimit Nínive.

JEREMÍAS 50:18

Rumali, Yin in Ajwal, chi ronojel kintiki che, chi ki-Dios aj Israel, kinb'ij: Kinya ni utojb'alil che i ajawinel re i tinimit Babilonia xaq chke konojel utinimit, pacha xin-an che i ajawinel re i tinimit Asiria.

SOFONÍAS 2:13

Ire kurip b'i u'ab' chkij i je o pa moxab' sachb'al uwach i tinimit Asiria xaq ku'an ni che i tinimit Nínive chi lik nti chik winaq chupam, lik ku'an ni jun tz'inilik jyub' chaqij che.