NAHUM 3:3 - Wuj Pa K'ubultzij

³ ¡Achiyab' ajrij taq kaway enam ke pa ch'oj! ¡Uwalch'inik i ch'ich' chi k'ulala o uware, urepxinik i che' ch'ich' utzam! ¡Lik nti kisuk' i je soktajnaq, k'iyal taq t'ub'aj je kamnaq! ¡Ch'akulaj ke i kamnaq chi lik nti usuk'! ¡I winaq are keb'inik kkitakij kaqan chke!

NAHUM 3:3 Referans Kwoze

Habacuc 3:11

I ij xaq i ik' ke'el ti ipa kuwam wi kib' chwach i walch'inik re ach'ab' xaq chwach i a' chi ktzijlaj che i ache' ch'ich' utzam.

Ezequiel 39:4

Yet, ku' i awinaq chi je yij che i ch'oj xaq i tinimit chi je awachi'ilam, kixkam ni chwi taq jyub' re Israel. Chila kixinjach wi chke k'iyal taq tz'ikin chi ajtijol ti' xaq chke itzel taq chikop aj pa taq es, man keje ile kixkitij b'ik.

ISAÍAS 37:36

Che i a'ab' le, i ángel re i Ajwal xeukamsaj lajujwinaq kamo' oxchiy jut'ub' (185,000) achiyab' aj Asiria chi je o chila che i k'ijib'al re molb'al ib'; che ukab' ij konojel lik je kamnaq chik.

ISAÍAS 34:3

I kamnaq ke'o'tax ni kanoq, kwalij ni jun chu laj kuxlab' chkixol, xaq i kik' lik kb'in ni chwi taq jyub' pacha raqana.

NAHUM 2:4

I ajch'oj je o pa taq b'e chupam i kich'ich' re kib'inb'al, lik kkich'ij b'e rumal koywal, lik to' ke'e k'ulala chi taq k'eb'al, lik je keje pacha antorcha tzijom, keik'awik pacha utzunb'al ray.

2 Reyes 19:35

Che i a'ab' le, i ángel re i Ajwal, xeukamsaj lajujwinaq kamo' oxchiy jut'ub' (185,000) achiyab' aj Asiria chi je o chila che i k'ijib'al re molb'al ib'; che ukab' ij konojel is je kamnaq chik.

GÉNESIS 3:24

Are xe'elsax b'i i winaq le, i Dios xeukoj jub'an querubín prelb'al ij che i tikonb'al Edén, xaq xukoj jun ch'ich' chi k'ulala o uware chi ktoqow a' che, chi k'ulala k-ek, tz'apb'al re i b'e chi k-e ru' i che' re i k'aslemal.

LEVÍTICO 26:37

Kixa' ni iwib' chiwach pacha taq kix-anmaj chwach jun nim laj ch'oj tupu nti jun kix-oqtawik; mijun chiwe yix kutak'b'a rib' chkiwach je ajch'oj chiwij.

ISAÍAS 66:16

Qatzij, i Ajwal ku'an atb'al tzij ru' i a', ku'at tzij pkiwi konojel i winaq chwach i jyub' ta'aj ru' ch'ich' chi k'ulala o uware xaq ku'an na chi k'i kekamik.