NAHUM 3:2 - Wuj Pa K'ubultzij

² ¡Kjich' kan uch'awb'al i asial, ketarar uch'awb'al i sotsaq! ¡Upok'owik kib'inik i kaway xaq kiluk'uk'ik i ch'ich' re ch'oj!

NAHUM 3:2 Referans Kwoze

JEREMÍAS 47:3

Utayik i pok'owik re kixajab' i kaway, xaq i luk'uwik ke i kareta xaq i siririk re i sotsaq chi o che, lik nti chik kicho'ab' i kiqajaw kichuch, rumali xko'taj kan i kak'al.

Jueces 5:22

¡Lik kt'iqiq kaqan i kaway! ¡Xaq lik kepok'ok'ik xe'ek, ket'iqiqik, lik are i kaway chi lik kerikik!

ISAÍAS 9:5

I upok'owik kixajab' chi nimaq uwi ke i achiyab' chi je yij che i ch'oj xaq i ki'u' chi tz'itajnaq rumal i kik' lik kporox na xaq kchup ni uwach pa a'.

Joel 2:4

I kitzunb'al keje pacha taq re kaway, kkich'ij anem pacha taq achiyab' je ajrij taq kaway

Joel 2:5

i uch'awb'al i kaqan are kesak'lin chwi taq jyub' lik keje pacha uch'awb'al i ch'ich' re ch'oj, keje pacha upach'ach'ik uxaq es chaqij are ktijin uk'atik pa a'. Je keje pacha jutzob'aj achiyab' chi je yij che i ch'oj chi lik o kicho'ab' i lik je o pa cholaj re kkijeq ch'oj.