NAHUM 3:13 - Wuj Pa K'ubultzij

¹³ I awinaq chi je yij che i ch'oj lik pacha taq chik je ixoqib', i k'iyal taq uchija re i tinimit lik je jaqal chik chkiwach i je ajch'oj man i a' lik usachom chik uwach i silik' ke i uchija.

NAHUM 3:13 Referans Kwoze

JEREMÍAS 51:30

I achiyab' chi je yij che i ch'oj aj Babilonia, lik xkimayij u'anik ch'oj; Man nti chik kikowil xaq lik xk'is kicho'ab', lik je pacha taq chik ixoqib'. I nimaq taq kitinimit lik xmaj kan chke i kachoch xnak' a' chke.

ISAÍAS 19:16

Che taq i ij le, i je aj Egipto chi je achiyab' lik pacha taq je ixoqib', lik kpe ni jun nim laj xib'rikil chke xaq kesiksat na, are kkil i Ajwal chi ronojel ktiki che Ire kuyak u'ab' chkij ike.

NAHUM 2:6

I tz'apb'al uchi' i raqana kejaqtaj na, i nim laj ja re i ajawinel ktzaq na li pulew.

JEREMÍAS 50:37

¡I ch'oj chkij i achiyab' chi je yij che i ch'oj: Cheb'arb'at rumal i xib'rikil! ¡I ch'oj chkij i kikaway xaq chkij i kich'ich' re b'inb'al! ¡I ch'oj chkij i achiyab' chi je yij che i ch'oj chi je aj naj: Chetzalijoq pacha taq je ixoqib'! ¡I ch'oj chkij i ub'itaq ke chi lik o u'ij, xaq che'el-ax ni chke!

Salmos 147:13

Ire xu'an ko che i tz'apb'al chi ktz'apiw awachoch, xaq xuya utzil chomal pkiwi awak'al pa tinimit.

Salmos 107:16

¡Ire xu'an ch'aqa taq che i uchija chi anch'ich'! ¡Xaq xu'an ch'aqa taq che i b'irb'aq ch'ich'!

JEREMÍAS 50:36

¡I ch'oj chkij i kajnanel: Lik chech'ujer na!

NAHUM 3:15

Ni'pa taq i a', i ch'ich' chi k'ulala o uware xaq i sak', lik kkisach ni awach. ¡Chatk'iyaroq pacha kik'iyal i nimaq taq sak'! ¡Chatk'iyaroq pacha kik'iyal i ral taq sak'!

ABDÍAS 1:9

I achiyab' chi je yij che i ch'oj re Temán lik kesiksat ni rumal i kixib'rikil, chwi taq jyub' re ma Esaú, lik mijun kk'asi kanoq.

NAHUM 2:7

Kelsax b'i ati ajawinel pa cho'ab' chwach rulew; junam ku' i rajtaqon, lik kejilawik pacha i palomax xaq lik ke'o'ik kkich'ay uwach kik'ux ru' ki'ab'.