Biblia Todo Logo
Bib sou entènèt

- Piblisite -




NAHUM 3:11 - Wuj Pa K'ubultzij

11 Xaq keje yet, Nínive, katki'ab'arsaj na; lik sachnaq anojb'al, kawuwaj awib' xaq katzukuj na ipa kato wi awib' chkiwach i je ajch'oj chawij.

Gade chapit la Kopi




NAHUM 3:11
19 Referans Kwoze  

Lik keintaq ni i ke'anaw k'ax chawe chutijawik kich'akul ike, xaq kein-ab'arsaj ni chutu'ik kikik'el pacha taq lik uwa'al uva muqb'am. Keje ile konojel i winaq kketamaj na chi Yin in Ajwal, Yin in tol awe; chi in u-Dios ma Jacob lik nim incho'ab', Yin in kirol awe.”


I winaq kkimin ni kib' pa taq ab'aj, xe taq ulew, kkuwaj ni kib' chwach nim laj Ajwal, chwach uwalch'inik i uchomal.


Are uri i winaq kkib'ij ni chke i nimaq taq jyub', “¡Chixtzaq li chqij!” Xaq kkib'ij ni chke i tzam taq jyub', “¡Chojich'uqu!”


Man lik keje pacha k'ix upach'katum rib' xaq pacha k'im chaqij kek'atsax ni konojel.


Lik kewulijsax ni'pa taq i lo'laj k'ijib'al ke i tiox chi xaril je antalik ipa te'eq kmakun wi i tinimit Israel. Puwi i kisujb'al kisipon ke'alax ni tzakam xaq i k'ix, i winaq kkib'ij ni chke i jyub': “¡Chojich'uqu!” Xaq kkib'ij chke i k'ujk'ik jyub': “¡Chixwulij na li pqawi yoj!”


Chitzijoj iri pa Jerusalén xaq pa Judá, chixsik'in chub'ixkil ru' usonil i trompeta chupam ronojel i nim laj tinimit, lik ko chixsik'inoq: ¡Jo', chqamolo qib' pa taq nimaq taq tinimit chi o tapial nim uwach chrij!


I Ajwal are kwalij chuya'ik i ucho'ab' chwach i jyub' ta'aj, i winaq kkimin ni kib' pa taq k'awalaq re ab'aj, pa taq jul re uwach ulew, lik kkuwaj ni kib' chwach ucho'ab' xaq chwach i uwalch'inik u'ij uchomal i Ajwal.


I Ajwal o i tu'b'al ya pu'ab' re i roywal, o i uwa'al uva muqb'am chupam chi k'i uwach xaq ch'am; are kutix b'i i uwa'al uva muqb'am, konojel itzel laj taq winaq chwach ulew kkitu' nu b'i ronojel i uwa'al uva muqb'am le, lik nti jutz'ujaj kkiya kanoq.


Chata pe' tinimit Nínive, i ajsachanel ktijin u'enam chawij yet. ¡Chayijb'a i awajchajinel che i k'ijib'al re ukowib'al i tinimit! ¡Chak'ak'alij i b'e! ¡Chaxima i ach'ich' re ch'oj xe apam! ¡Chayijb'a acho'ab' che i ch'oj!


¡Chkiri'a uk'aj ulew pacha taq i kumatz xaq keje pacha i jub'an chik chikop chi kejukuk chwach ulew! ¡Che'el b'i pikisok kesiksatik, xaq ru' xib'rikil keupon tan chik chawach yet Qajwal Dios!


We kkuwaj kib' chwi taq jyub' re i Carmelo, xaq chila na keintzukuj wi loq; we kkuwaj kib' chinwach Yin chupam unajtil uchoyil i mar, kintaq nu b'i i nim laj itzel chikop pa mar re ku'an ch'aqa taq chke;


I Ajawinel, chi are i Ajwal, chi ronojel ktiki che, kub'ij: “Kein-ab'arsaj ni je aj-atzil re i tinimit Babilonia, chke o kino'oj xaq chke aj-ok'al utzam i jalajuj taq tinimit, xaq i nimaq kipatan xaq i achiyab' chi je yij che i ch'oj, lik ketzaq ni che jun nim laj waram ronojel ij saq chi lik kk'un ti chik saq chkiwach.


I winaq kkib'ij na: “¿Wach taq uchak kojkanaj kan waral? ¡Qonojel jo' pa nimaq taq tinimit chi sutim rij ru' tapial nim uwach, man su' chojkikamsaj! I Ajwal chi qa-Dios, ku'an chqe chi kojkamik, ku'an chqe chi kqatu' i ya chi o b'enen ru', rumal xojmakun chwach ire.


Lik mi'naq woywal xin-an tz'ajtz'ik chke i nimaq taq tinimit, xinchup kiwach ru' nim laj woywal xaq xin-an chke chi lik x-e lemem kikik'el chwach ulew.


¡Lik kimayij ti ile chi kita ti ub'e! ¡Lik kimayij ti ile chi lik ix mawach chi lik nti kiwil ub'e! ¡Lik kimayij ti ile chi kixrank'atik pacha taq ix ab'arelab', tupu itu'um ti i ya chi k-ab'arsanik!


Keje uri ile chi ani'al taj xe'ok b'i chekeb' chkiwach aj Filistea chila che i k'ijib'al ipa je o wi, ike le are xekilo, xkib'ij: “Chiwila pe', ktijin chali kelik aj Hebreo pa taq pek ipa kuwam wi kib'”, xecha.


I aj Israel lik xek'iji pa jalajuj taq k'ax man x-an ch'oj chkij kumal aj Filistea, rumali chi xe-anmajik, xkuwaj kib' pa taq pek, pa taq jul, pa taq nimaq taq ab'aj xaq pa taq k'otom chi chaqijnaq chik ya chupam.


Swiv nou:

Piblisite


Piblisite