NAHUM 3:10 - Wuj Pa K'ubultzij

¹⁰ Xwiri i tinimit Tebas xek'am b'ik i xe'elsax b'i pa cho'ab' chwach kulew; i kak'al xekamsaxik xaq xejab'ix kan xol taq b'e; i winaq chi nimaq taq ki'ij xekisakij i je ajk'amol utzam xexim ru' karena.

NAHUM 3:10 Referans Kwoze

ISAÍAS 20:4

Xaq keje i ajawinel re i tinimit Asiria keuk'am nu b'i pa cho'ab' aj Egipto xaq i je aj Etiopía, tupu k'a je ak'alab' xaq we je rijab' chik, nti kixajab' xaq je ch'analik, lik kusanb'a li kitun chisaq re yab'al kik'ix.

ABDÍAS 1:11

Are i achiyab' chi je yij che i ch'oj chi je aj naj xkiraqij b'i okb'al re i tinimit Jerusalén, i je ajch'oj le are xkel-aj b'i b'eyomal re i tinimit, ¡Yet xajek' awib'! Are xkisakij chkiwach ni'pa i b'eyomal chi xkik'am b'ik, ¡Yet xa'an che awib' pacha taq at kachi'il ike!

Joel 3:3

Xkijach intinimit ru' sakinik chkiwach, xekik'ayij ral taq alab'om xaq i ral taq altom, te'uri xkik'is b'i pwaq che i uwa'al uva muqb'am xaq ku' ixoqib' chi chwach i kich'akul kkich'ak wi kimer.

Oseas 13:16

I tinimit Samaria kuk'am nu b'i i utojb'alil umak, man rumal xuqel u-Dios. Kekam ni che uware i ch'ich' chi k'ulala o uware, i ni'pa kak'al kexa'ix ni pulew xaq i ixoqib' je raxwinaq kraqix ni kalanb'al.

Lamentaciones 2:19

Chatwalijoq, chatsik'in cha'ab', lik arewi jo'taj taq uxol chatsik'inoq; lik chawesaj li ronojel ni'pa i o pak'ux chwach i Ajwal, chaya che chi klememik pacha i ya; chatunb'a a'ab' chwach ire, chatz'onoj utzil chomal che xaq chatz'onoj utzil chomal puwi kik'aslemal awak'al, man lik puxukut taq b'e kekam wi rumal nti kkitijo.

ISAÍAS 13:16

Lik chkiwach kexa' ni kak'al chwach ulew chi k'a je ch'utiq, lik kjok nu b'i upam kachoch chke xaq i kixoqil lik kechap ni pa cho'ab'.

AMÓS 1:13

Keje iri kub'ij i Ajwal: “I je aj Amón ki'anom uk'iyal mak atzalal chi lik kinmayij ti uya'ik utojb'alil chke; man rumal i kirayijb'al chi kkaj kki'an nim che i kulew, xkiraqij i kalanb'al ixoqib' chi je raxwinaq pa tinimit re i Galaad.

Lamentaciones 4:1

¡B'uchak nawi chi xsach utzunb'al i an-o'oj! ¡B'uchak xsach uwalch'inik i an-o'oj chi lik paqal rajil! I ab'aj chi lik o u'ij pa lo'laj k'ijib'al re i Dios, lik to' je kichersam b'i xol taq b'e.

ISAÍAS 13:6

Chixsik'in rumal i b'is, man i ij re i Ajwal naqaj chik o wi, kk'unik pacha jun ch'ayanik re i Ajwal chi Ronojel Ktiki Che.

Salmos 137:8

¡Yet Babilonia, lik kchupsax ni awach! ¡Utz re ire chi ku'an ni uk'exel chawe rumal i xa'an chqe yoj!

2 Reyes 8:12

Are uri ma Hazael xutz'onoj che: —¿B'uchak chi kato'ik, nim laj winaq? Ma Eliseo xub'ij che: —Man weta'am chi ka'an ni k'ax chke aj Israel, kanak' ni a' che i kitinimit chi sutim rij ru' tapial nim uwach, keakamsaj alab'om xaq ak'alab' ru' ch'ich' xaq kajaq ni kipam i ixoqib' chi je k'aqtajnaq.

Job 6:27

¡Yix lik ko iwach chretz'b'axik uk'aslemal jun ak'al chi nti chik uqajaw uchuch, xaq lik kixij ti iwib' chuk'ayixik jun iwamiy!

Salmos 137:9

¡Utz re i jun chi keuchap awak'al xaq keuxa' ni chwach nimaq taq ab'aj!

Salmos 149:8

re yut'b'al ke i ajawinelab' xaq i winaq chi o ki'ij, ru' nimaq taq karena re ch'ich',

ISAÍAS 19:4

Xwiri yin kinya ni i tinimit Egipto pu'ab' i rajaw jun chak chi lik k'an, jun ajawinel chi lik k'an ku'at ni tzij pkiwi.” Keje ile kub'ij i Ajwal chi ronojel ktiki che.

Ezequiel 29:7

Are xkaj uchapik kib' chawe, yet xatpatz'tajik i lik xasok i kik'alk'ax; Are xkaj uk'amik kicho'ab' chawe, yet xatpatz'tajik i xa'an chke chi xetzaqik.