NAHUM 2:9 - Wuj Pa K'ubultzij

⁹ ¡Chiwel-aj i saqpwaq! ¡Chiwel-aj i anpwaq! ¡Ub'eyomal i tinimit Nínive nti uk'isik!

NAHUM 2:9 Referans Kwoze

Daniel 11:8

Xwi ta la ile, xaq keuk'am nu b'i u-dios pa Egipto, utiox chi xaril je antalik re ch'ich' mi'sam pa a', junam ku' jub'an chik b'iroxik chi paqal rajil re i an-o'oj xaq i saq-o'oj. Te'uri are ik'awnaq chik keb' oxib' junab' nti chik ch'oj chkixol i keb' nimaq tinimit,

Ezequiel 26:12

Katkiya kanoq nti chik ab'eyomal, kkel-aj nu b'i ak'ay, kkiwulijsaj nu b'i atapial chi lik pim uwach xaq kkik'aq ni pulew ni'pa nimaq taq awachoch chomiq; kkik'aq b'i ab'aj pa mar, et xaq i ronojel ni'pa xkanaj kanoq re awachoch.

JEREMÍAS 51:56

Xek'un chusachsaxik uwach i tinimit Babilonia; xaq chkichapik i achiyab' chi je yij che i ch'oj xaq lik xki'an ch'aqa taq che i k'aqb'al kich'ab'. Man i Ajwal lik are jun Dios chi lik chkijujunal kuya utojb'alil chke pacha kmajawik.

JEREMÍAS 25:34

¡Chixsik'inoq, ix, ajyu'ul chij, chixsik'in rumal uk'axk'ol! ¡Yix, chi je iwok'am i chij, chib'alk'atij iwib' pa taq ulew! Man ya xuriq i ij re i kamsanik, xaq yix kixkamsax na pacha kikamsaxik i ti'ojib' chij.

ISAÍAS 33:4

I ajch'oj chkij je keje pacha i sak' chi lik kesib'ib'ik, kkik'aq kib' chkij ike xaq kkimaj kib'eyomal chke.

SEGUNDO LIBRO DE CR%D3NICAS 36:10

Che i nab'e taq ij re i junab' le, ma Nabucodonosor chi ajawinel pa Babilonia, xutaq uk'amik b'i ma Joaquín junam ru' i jalajuj taq chapanb'al re i rachoch i Ajwal chi lik paqal rajil; are uri xuya kan ma Sedequías, chi ucha' ma Joaquín, pa ajawinel chila Judá xaq Jerusalén.

ISAÍAS 33:1

¡To' awach yet, at sachsanel chi sachsam ti awach, yet at k'ayinel amiy che i ajch'oj chrij xwiri yet at k'aytal taj! Are kak'is usachik uwach jun b'iroxik are uri ksachsax ni awach, are kak'is uk'ayixik jun amiy che ajch'oj chrij are uri katk'ayix yet che jun ajch'oj chawij.

Apocalipsis 18:12

Chi are i an-o'oj, i saq-o'oj, i uwaj chi lik chom paqalik, xaq i chomiq taq b'aq, xaq i k'ul lino chi lik chom paqalik, i k'ul re seda chi kaqxar i kaq utzunb'al; xaq nti chik klo'ow i che' chom chi lik muy chi paqal rajil, nti chik klo'ow i chomiq taq b'iroxik chi antal che i marfil, antal che i chomiq taq che', antal che i anch'ich', antal che i ch'ich', xaq che i saqcho'.

Apocalipsis 18:16

i kkib'ij na: “¡Ay, to' uwach i nim laj tinimit! Ile, pacha te'eq jun ixoq chom u'u' lik paqalik; lik kaq ktzunik, xaq kaqxar ktzunik. Lik uwiqom rib' ru' an-o'oj, ru' perla xaq ru' chomiq taq ab'aj chi lik paqal rajil.

JEREMÍAS 46:5

Xwiri ¿Wach i kwilo le? Xetzalij chkij rumal i nim laj xib'rikil. I kajch'oj xekicher b'ik man xech'akik; pa'anem xe'anmajik, lik xetzun ti chkij. ¡Xaipa o i k'ax! Yin in Ajwal, xinb'iw ile.

NAHUM 3:17

I je awajchajal keje pacha i nimaq taq sak'; i je aj-ok'al utzam re uk'utik u'anik ch'oj chke i awinaq chi je yij che i ch'oj je keje pacha uk'iyal ral taq sak', are joron i tew, kek'iji chwi taq xan; are kel li ij, ke'ek; mijun ketamawik ipa ke'e wi.