NAHUM 2:5 - Wuj Pa K'ubultzij

⁵ I ajawinel keusik'ij i rajpatanib', ike kkitakij kaqan che i ch'ich' xaq che i tapial are ke'e pa'anem, che i tob'al kib' chi yij chik.

NAHUM 2:5 Referans Kwoze

JEREMÍAS 46:12

I nimaq taq tinimit keta'am chik chi qajnaq chik a'ij, chi xaq chwach ronojel i jyub' ta'aj ktataj asik'; Lik ketzaq i ajch'oj pa taq ulew are kkik'ulaj kib' chu'anik i ch'oj, junam na kkib'alk'atij kib' pa taq ulew.

NAHUM 3:18

¡Yet, nim laj ajawinel re Asiria, i je ajyu'ul achij lik kewarik! I je awajpatan ke'uxlanik, i awinaq chi je yij che i ch'oj je kichernaq b'i pa taq es i lik mijun kumol kichi'.

NAHUM 3:3

¡Achiyab' ajrij taq kaway enam ke pa ch'oj! ¡Uwalch'inik i ch'ich' chi k'ulala o uware, urepxinik i che' ch'ich' utzam! ¡Lik nti kisuk' i je soktajnaq, k'iyal taq t'ub'aj je kamnaq! ¡Ch'akulaj ke i kamnaq chi lik nti usuk'! ¡I winaq are keb'inik kkitakij kaqan chke!

JEREMÍAS 50:29

¡Cheisik'ij konojel ajk'aqol ch'ab', re kki'an ch'oj chrij i tinimit Babilonia! ¡Chisutij rij i nim laj tinimit man keje ile mijun k-anmajik! ¡Chi ya utojb'alil chke pacha kmajawik! ¡Chi'ana che ire pacha xu'an ire! Man ire xu'an nim che rib' chinwach Yin, chi in Ajwal, lo'laj Dios ke aj Israel.

ISAÍAS 21:5

I mexa yijil chik xaq i pop li'an chub'ik, i nim laj wa'im ya xjeqanik. ¡Chixtak'aloq ix kaj-atzil achiyab' chi je yij che i ch'oj: Chiwesaj i walch'inik che i tob'al iwib'!

ISAÍAS 5:27

Lik nti jun chkixol ike we kuch'ij taj xaq mitene jun we kosnaq, lik nti jun we lik kk'ask'at taj, lik nti jun we ujat'im ti paqb'al upam, lik nti jun we t'uqkrijnaq taq uwach uxajab'.

NAHUM 2:6

I tz'apb'al uchi' i raqana kejaqtaj na, i nim laj ja re i ajawinel ktzaq na li pulew.

Habacuc 1:8

I kikaway lik mas kkich'ij i anem chkiwach i b'alam, lik mas je itzel chikop chkiwach i utiw chi je o pa tz'inilik jyub' chaqij. I je ajrij taq kaway lik je k'i ke'anik xaq k'a chinaj loq kkijeq li ch'oj, keje pacha i kotxik chi kuk'aq li rib' chrij uti' are kuchapo.