NAHUM 2:4 - Wuj Pa K'ubultzij

⁴ I ajch'oj je o pa taq b'e chupam i kich'ich' re kib'inb'al, lik kkich'ij b'e rumal koywal, lik to' ke'e k'ulala chi taq k'eb'al, lik je keje pacha antorcha tzijom, keik'awik pacha utzunb'al ray.

NAHUM 2:4 Referans Kwoze

JEREMÍAS 4:13

Chiwila pe', i ajch'oj chiwij ktijin kitejeb'ik pacha jun sutz', i kich'ich' re anb'al ch'oj lik keje pacha jun nim laj jab' tew upam, xaq i kikaway mas kkich'ij b'e chkiwach i kotxik. ¡To' qawach yoj, man wo'or kqariq i tojb'al re!

Ezequiel 26:10

Are kok b'i ajawinel re i tinimit Babilonia che taq uchija re awachoch keje pacha okik che jun tinimit chi lik kk'am pa ch'oj, lik je k'i ni kaway chi are keb'inik, lik kkinojsaj awij ru' ulew chi kkipuk'ek'ej; i atapial lik kesiksat ni rumal uch'awb'al kib'inik i kikareta xaq i k'iyal taq kikaway;

ISAÍAS 66:15

Man i Ajwal kupon chupam i a', i uch'ich' re ub'inb'al kemajaw i kaqsut, re kresb'ej i roywal xaq i ujuluwik uya'ik utojb'alil.

Daniel 11:40

Are kuriq i k'isb'al ij, i ajawinel re pa wiqab' ku'an ni ch'oj chrij i ajawinel re pa moxab'; xwiri ire kel nu b'i chuk'ulaxik chi pacha taq jun tew jab', ktzaq ni puwi i wiqab', chi lik knoj ni i tinimit che i ch'ich' re i ch'oj, ajch'oj rij taq kaway xaq uk'iyal taq barco.

ISAÍAS 37:24

Kumal i ajb'il taq atzij xaqajsaj u'ij i Ajwal Dios. Man xab'ij: Ru' k'iyal taq inch'ich' re anb'al ch'oj xin-el b'i chwi taq jyub', xin-el b'i puwi i jyub' chi lik tak'tik chi o chupam ulew Líbano. Xink'atzij uchakalte' chi lik nimaq, xink'atzij i chomiq taq chaj chi o chila Líbano. Xinupon chila ipa o wi uk'iyal che' chi pacha tikonb'al chomiq taq kotz'ij xaq xinupon chila che jyub' chi lik naj uwi.

JEREMÍAS 46:9

¡Lik chkich'ija b'e i kaway! ¡Chkiwach i ch'ich'! ¡Chkich'ija b'e i achiyab' chi ko kiwach chi je yij che i ch'oj; i achiyab' chi je yij che i ch'oj re Etiopía xaq aj Put, chi kiwiqom kib' ru' i tob'al ib'; i achiyab' chi je yij che i ch'oj aj Lud, chi lik kkiriq uk'aqik i ch'ab'!

Ezequiel 23:24

Kek'un ni chu'anik ch'oj chawij ru' k'iyal taq ch'ich' xaq k'iyal taq achiyab' chi je yij che i ch'oj; lik xaipa kkisutij ni awij, achiyab' le lik kuk'am kich'ojb'al, tob'al kijolom xaq i tob'al ib', i yin lik kinya ni chke chi kki'at tzij pawi, ike kki'at ni tzij pawi pacha kub'ij i ki'atb'al tzij.

Ezequiel 26:7

Yin in Ajwal, kinb'ij: Kin-an na chi pa moxab' kpe ni ma Nabucodonosor, ajawinel re i tinimit Babilonia, are ajawinel chi lik nim ucho'ab', keje ile ku'an ch'oj chrij i tinimit Tiro. Keuk'am na li kaway, kareta xaq i achiyab' chi je ajrij taq kaway xaq ru' k'iyal tzob'ajil taq ajch'oj.

Proverbios 31:21

Nti kuch'ob' chke i ralk'uwal are kpe i tew joron, man konojel i ralk'uwal o ki'u' re kkikalyej are lik joron.