NAHUM 2:1 - Wuj Pa K'ubultzij

¹ Chata pe' tinimit Nínive, i ajsachanel ktijin u'enam chawij yet. ¡Chayijb'a i awajchajinel che i k'ijib'al re ukowib'al i tinimit! ¡Chak'ak'alij i b'e! ¡Chaxima i ach'ich' re ch'oj xe apam! ¡Chayijb'a acho'ab' che i ch'oj!

NAHUM 2:1 Referans Kwoze

SEGUNDO LIBRO DE CR%D3NICAS 25:8

Xwiri we yet kawaj chi katkachnimaj ike jati junam ku' chu'anik ch'oj, xwiri i Dios kixujach ni pki'ab' i ajch'oj chiwij, man i Dios pu'ab' o wi chi kixch'akanik xaq pu'ab' o wi we kijam iwib' —xcha.

JEREMÍAS 50:23

¡I Babilonia chi lik ko uwach chwach ronojel i jyub' ta'aj, lik x-an k'ax che xaq xwulijsaxik! ¡Lik xib'in ib' kkina i jub'an chik tinimit are kkilo wach xuk'ulmaj i Babilonia!

ISAÍAS 14:6

chi kuya te'eq utojb'alil chke i nimaq taq tinimit ru' roywal xaq kumayij ti uya'ik kilo'xik, chi kuya'ya te'eq kiwi i tinimit ru' roywal xaq keroqtaj te'eq, kril ti tob'al kiwach.

JEREMÍAS 25:9

keinsik'ij konojel i winaq aj pa moxab' xaq i wajpatan chi ma Nabucodonosor, chi ajawinel re i tinimit Babilonia, re kepe chu'anik ch'oj che i nim laj tinimiti, xaq konojel ni'pa je jeqel chwach xaq chkij nimaq taq tinimit chi je o naqaj. Lik kinsach ni kiwach konojel. Lik kin-an chke chi ksach ni kiwach, chi lik je xib'in ib' xaq je xib'rikil.

Salmos 50:14

¡Chasujuj ukamsaxik chikop che i Dios re i tioxinik; cha'ana ronojel ni'pa asujum che i Dios chi lik nim u'ij!

Salmos 65:2

man yet kata wach ktz'onox chawe! Konojel i winaq re uwach i jyub' ta'aj katkitzukuj na.

ISAÍAS 29:7

Konojel ni'pa i tinimit chi k-ani ti tikilem chkajlaxik chi kki'an ch'oj chrij i tinimit Ariel, konojel ni'pa i kki'an i ch'oj le xaq ni'pa i kkiwulijsaj i tapial nim uwach, xaq keje ni'pa i ke'anaw k'ax chke, ile pacha taq xa keachik'ik, o xa pacha taq kkil pkiwach.

ISAÍAS 29:8

Ile keje pacha jun winaq chi knumik kachik'ik xaq kuna taq ire chi lik qatzij ktijin chwa'im, xwiri are kk'un saq chwach lik knum upam; xaq keje pacha jun winaq chi kk'atik kachik'ik xaq kuna taq ire chi lik qatzij ktijin chutu'ik uya', xwiri are kk'un saq chwach lik kk'atik xaq chaqij puqul. Lik keje kkik'ulmaj konojel i k'iyal taq tinimit ile chi kki'an ch'oj chrij i jyub' Sion.

ISAÍAS 52:7

¡Lik chom ktzun ruponik i jun chwi taq jyub', chi rok'am b'i utzijol i utz laj taq tzij, chi xaq kutzijoj i chomb'al ib', chi xaq kutzijoj i kiranik xaq kub'ij che i tinimit Sion: “I a-Dios are i Ajawinel!”