Miqueas 7:12 - Wuj Pa K'ubultzij

¹² Ya kuriq i ij chi kek'un ni jalajuj taq tinimit awu': K'a che li Asiria k'a pa Egipto, k'a che li raqana Nilo k'a Éufrates, che jun mar k'a che chik jun mar, xaq che jun jyub' k'a che chik jun jyub'.

Miqueas 7:12 Referans Kwoze

Oseas 11:11

Pacha tz'ikin, kesiksatik ke'el na li pa Egipto; xaq ke'el na li pa Asiria pacha palomax; i kin-an ni chke chi kejeqi tan chik pkachoch. Yin in Ajwal, kinb'ij.

ISAÍAS 11:16

Are ke'el li utinimit i Ajwal chi k'a je o kan chila pa Asiria, kkiriq ni jun b'e nim uwach pacha xki'an aj Israel are xe'el li pa Egipto.

Ezequiel 37:21

Te'uri chab'ij chke: Iri are kub'ij i Ajwal: Kewesaj li aj Israel chkixol i nimaq taq tinimit ipa xek'iji wi; kinmol ni kichi' che k'ulala taq k'ijib'al xaq kin-an ni chke chi ketzalij chal pkulew.

Ezequiel 29:21

Che taq i ij le kin-an na chi kk'iyar ucho'ab' i tinimit Israel, i yet, ma Ezequiel, lik chatch'aw ni saqil ku' are lik mijun kat-atiwik. Are uri kketamaj na chi Yin in Ajwal.

JEREMÍAS 31:8

Kixintzalijsaj chal che i k'ijib'al chi o pa moxab', kinmol ni ichi' kixink'ama na li che i k'isb'al taq rokraq re uwach i jyub' ta'aj. Xaq ku' ike le kepe ni i ketzun taj xaq i kejetz'pinik, ixoqib' chi je raxwinaq xaq ni'pa i je alannaq chik; ¡lik je k'i i winaq ketzalij ni chaloq!

JEREMÍAS 23:3

Xaq lik yin na keink'am chal inchij pa taq tinimit ipa xeinkichersaj wi b'ik, kinmol ni kichi' xaq keink'am chali pa ketzuq wi, man keje ile k'i ni kak'al kealaxik.

JEREMÍAS 3:18

Are kuriqa i ij le, i tinimit Judá kuya ni uwach ru' i tinimit Israel, junam ke'el chila pa moxab', ke'e che i ulew chi xinya chke iwatit imam pacha jun kuxtab'al ib'.

ISAÍAS 49:12

¡Chiwila pe, jub'an winaq le chi lik naj kipetik! O jujun je petnaq pa moxab', jub'an chik je petnaq puqajb'al ij, xaq jub'an chik je petnaq che i k'ijib'al Sinim.

ISAÍAS 43:6

Kinb'ij che i moxab': “Cheaya chaloq”, xaq kinb'ij che i wiqab': “Ma'an taq awe chke. Cheak'ama li ink'ojol xaq inmi'al k'a naj loq xe taq kaj ulew.

ISAÍAS 11:11

Che i ij le i Ajwal kuk'ut chik ucho'ab' re kuyu'uj chik kixikin utinimit chi xekanaj kanoq, ku'an ni chke chi ke'el li pa Asiria, pa Egipto, pa Patros, pa Etiopía, pa Elam, pa Sinar, pa Hamat xaq ni'pa i tinimit chi je o chi taq mar.

JEREMÍAS 46:27

Maxij awib' tinimit re ma Jacob, wajtaqon; maxij taq awib', tinimit Israel. Man yet xaq i awalk'uwal kixwesaj ni che i tinimit naj ipa ix k'amtal wi b'ik. Man katk'iji chik pa chomb'al ib', lik utz katk'iji na, lik mijun katuxib'ij.