Miqueas 5:9 - Wuj Pa K'ubultzij

⁹ Keje u'anik i ch'oj ile ka'an yet, Ajwal, xaq keasachsaj ni kiwach konojel i je ajch'oj chawij.

Miqueas 5:9 Referans Kwoze

ISAÍAS 26:11

Ajwal, ayijb'am chik utojb'alil chke ike, xwiri ike kkaj ti retamaxik, are kkil i nim laj k'axnab'al ak'ux che atinimit, lik kkiya ni kik'ix. ¡Utz wetene u'a'ul awoywal kuk'is b'i kiwach!

Salmos 21:8

I acho'ab' keumaj ni konojel ni'pa je ajch'oj chawij xaq i a'ab' wiqab'im keumaj ni konojel ni'pa ktitat kipam chawe,

ISAÍAS 11:14

Chekeb' kkok'aj nu b'i kib' puqajb'al ij, ke'e chkij aj Filistea lik chkij ke'ok wi; junam kkimaj ni kib'eyomal i tzob'aj chi je o prelb'al ij. I kicho'ab' kupon ni k'a pa Edom xaq k'a pa Moab, xaq kkiqajsaj ni ki'ij aj Amón.

Salmos 10:12

¡Chatwalijoq Ajwal, chayaka i a'ab'! ¡Msach chak'ux i winaq chi nti ketowik!

1 Corintios 15:25

Man i Cristo lik ktiki ni che i ajawinik, k'a kuriq ni ij are kuqajsaj ni kicho'ab' konojel i je ajch'oj chrij.

Lucas 19:27

Te'uri xub'ij chke: “Ni'pa i winaq chi tzel kinkilo, chi kkaj ti in o pkiwi, cheik'ama loq, xaq cheikamsaj chinwach”. Xcha i ajawinel.

ISAÍAS 37:36

Che i a'ab' le, i ángel re i Ajwal xeukamsaj lajujwinaq kamo' oxchiy jut'ub' (185,000) achiyab' aj Asiria chi je o chila che i k'ijib'al re molb'al ib'; che ukab' ij konojel lik je kamnaq chik.

ISAÍAS 33:10

I Ajwal kub'ij: “Wo'or kinwalij na, wo'or kink'ut ni ronojel in-ij, inchomal.

ISAÍAS 1:25

Lik kinyak chik in-ab' chawij xaq kinporoj ni ronojel atz'il, lik katinjos-ij ni che ronojel ni'pa i ch'am taj chi a'anom.

Salmos 106:26

Rumali i Dios lik xub'ij chi keukamsaj pa tz'inilik jyub' chaqij,

Hageo 2:22

kinsachsaj ni uwach kicho'ab' i ajawinik chwach i jyub' ta'aj xaq kinwulijsaj ni ronojel i kub'ib'al chi o u'ij; keinb'alk'atij nu b'i ch'ich' re i ch'oj xaq i je o chupam, xaq kekam ni kaway xaq i winaq chi je annaq chkij; i chkijujunal kekam ni rumal i ch'ich' chi k'ulala o uware ke i katz kicha'.

ZACARÍAS 9:10

Ire kusachsaj ni kiwach ukareta i ma Efraín, i ukaway i tinimit Jerusalén xaq i k'aqb'al ch'ab' re ch'oj. Kutzijoj ni chomb'al ib' pa nimaq taq tinimit xaq krajawin ni chuchi' i mar xaq k'a che chik uchi' jun chik mar, che i raqana Éufrates k'a pa k'isb'al re i rokrik re i jyub' ta'aj.