Biblia Todo Logo
Bib sou entènèt

- Piblisite -




Miqueas 5:2 - Wuj Pa K'ubultzij

2 Xwiri yet, Belén Efrata, at ch'utin chkixol i lemajil re Judá, chawe yet kel ni jun aj-ok'al utzam re i tinimit Israel chi kpe che jun alk'uwalxel re ujer.”

Gade chapit la Kopi




Miqueas 5:2
57 Referans Kwoze  

Yet tinimit Belén, at ukwenta i jyub' Judá, mach'ob'o moq nti a'ij chkixol i nimaq taq tinimit re ulew le; lik o ni a'ij, man chkixol awak'al kalax ni jun nim laj ajk'amb'eyal; are ire kok'aw ni utzam chke inwinaq, aj Israel.


Chupam uwuj i Dios kub'ij: I Cristo, are jun umuq uxikin i ajawinel mam David, chi kpe ni chila che i tinimit Belén, chi xaq lik are utinimit mam David, man chila xalax wi ire.


K'a chuxe'el loq, are k'amaja kealax li es, are k'amaja i ulew xaq i jyub' ta'aj, lik chuxeb'al li ij saq xaq k'a pa k'isb'al re, lik Yet at Dios.


Che i kutam chi are ma Isaí, kel wi jun utux, jun utux chi kpe che i ra'.


¡Lik chatkikotoq, tinimit Sion! ¡Chatb'ixan ru' kikotemal tinimit Jerusalén! Awajawinel ya kk'un awu' yet, lik suk'ulik xaq ajch'akanel, xwiri lik ajaj laj winaq, annaq chrij jun b'uru, i ral b'uru rak'al jun ati b'uru.


Mijun kelsaw ucho'ab' ma Judá xaq i ch'amiy chi o pu'ab' k'a kk'un ni rajaw i ch'amiy, chi konojel i tinimit kekojon ni che.


I Cristo, ax o wi chwach ronojel ni'pa i olik; are ire kok'aw pusuk' ronojel i olik.


I jun le chi xwilo, o ub'i tz'ib'tal chwach u'u', xaq chwach uwi ra'; i ub'i are iri: “I Nim Laj Ajawinel pkiwi konojel i je ajawinelab', xaq Ajwal pkiwi ni'pa i ajwalxelab'.” Keje ile tz'ib'tal che.


Che rajawinik ma Saúl, o jun achi pa Belén ma Isaí ub'i lik nim laj winaq chik. Ire le je o wajxaqib' uk'ojol, jun chke are a David.


Yin are xinpe Padan-aram, i achuch xkam kan chila pa b'e che ulew Canaán, naqaj che i tinimit Efrata, chila xinmuq wi kanoq xukut b'e, chi wo'or, Belén ub'i.


Kqatz'ib'aj chiwe chrij i jun chi ax o wi chuxeb'al li ij saq. Ire qatom wach i xub'ij, xaq qilom ru' qab'a'wach; qatzij lik qilom uwach, xaq qachapom ru' qa'ab'. Qatzij Ire are i tzij chi kuya i k'aslemal.


I Jesucristo ire lik arewi, pacha iwir, wo'or i ronojel ij saq.


I Jesús xtejeb' pan ku' xaq xub'ij chke: —Yatal chik pin-ab' u'atik tzij puwi ronojel ni'pa i olik. O chik pin-ab' ronojel i aj chikaj, xaq ronojel i aj chwach i jyub' ta'aj.


I je unimaqil re i tinimit xaq konojel ni'pa je o chila xkib'ij: —Qatzij, xqilo xaq xqata. I ixoq le chi kok chi awachoch i Ajwal chu'ana ni che pacha ati Raquel xaq ati Lea, chi junam xojkiwinaqirsaj yoj chi oj aj Israel, xaq chu'ana ni chawe yet chi lik nim a'ij pa Efrata, chi xaq lik ketamax ni awach pa Belén.


Keje ukamik ati Raquel ile, xmuq kan chila pa b'e chi k-e pa Efrata chi wo'or are i Belén.


Ujer, mijun chke umuq uxikin i mam Judá xki'an i chak re rajpatan i Dios, man i mam Moisés xuya ti kan i patan le pki'ab' ike.


I ij kk'unik are kinyak ni chik i ral rachoch ma David chi tzaqnaq te'eq. Kinyijb'a i utz taj che, ni'pa i ja chi je tzaqnaq pulew keinyak na, xaq kin-an tan chik che pacha u'anom te'eq ujer,


Lik chkixol kel wi jun aj-atzil, jun chke ike aj-ok'al utzam i tinimit. Kin-an ni che chi ktejeb' li wu' yin. ¿O nawi jun ktejeb' li wu' yin? Yix ni uri ix intinimit xaq yin uri in i-Dios. Yin in Ajwal, xinb'iw ile.


I Ajwal xraj chi rajchak kk'iyik pacha jun es ch'u' chi lik naj k-e wi ra' pa taq chaqij ulew. Lik nti te uchomal xaq kwalch'in taj, i utzunb'al lik chom taj.


Xwiri yix wo'or kixutuj i-Dios, chi xixresaj chupam i jalajuj taq ch'oj xaq chupam i jalajuj taq b'is. Kixutuj man kixtijin chutz'onoxik jun ajawinel chi ku'at ni tzij piwi. Rumali wo'or chimolo iwib' chwach i Ajwal pa taq tzob'ajil xaq pa taq alk'uwalil.


O jub'an tzij tz'ib'tal puwi i krus chi keje iri kub'ij: “Iri, are i Ajawinel ke i aj Judío”.


Are o chik chila xkijeq ukojik umak; xkib'ij: —Qariqom i achi ri, chi ktijin chkitunik i qach aj tinimit. Ub'im chi kqatoj ti alkawal che i ma César. Kub'ij chi are ire Cristo xaq kub'ij chi are ire Ajawinel —xecha.


Yet chea'ulu i achiyab' chkixol konojel i winaq chi lik o kino'oj xaq lik kkixij kib' chwach i Dios, chi lik je saqil laj taq achiyab', je rayinel taj, cheaya pkiwi i winaq re kaj-atzil. Jun chaya pkiwi i lajujwinaq kamo' (1,000) jun chik chaya pkiwi i jo'winaq (100) jun chik chaya pkiwi i lajuj kawinaq (50) xaq i jun chik chaya pkiwi i lajuj.


Te'uri xub'ij chwe: “Ya xutzinik. Yin in uxeb'al ronojel i olik, xaq yin in k'isb'al re che; in pacha i keb' tz'ib' A xaq Z.” Pachin i kk'atik, yin kinya che kutu' ni uya' pralaxb'al ya re i k'aslemal, lik kintz'onoj ti rajil.


Xaq chatz'ib'aj i tziji che i ángel chi ajk'amol utzam i jutzob'aj re i Dios chila pa tinimit Esmirna: Iri are utzij i Jun chi are uxeb'al ronojel ni'pa i olik, xaq are i k'isb'al re; xaq are i Jun chi xkamik, xwiri xwalij chik che i kamik.


Chila pa Efrata, xqata utzijoxik i kaxa re utrat i Dios, are uri xeqariqa che ulew Jaar.


I je rak'al ma Salma je are iri: Ma Belén, aj Netofa, aj Atrot-bet-joab, i nik'aj chik chke aj Manahat, aj Zora


Lik chikojo retalil che ronojel ni'pa i jul ipa kruwaj wi rib', te'uri chixtzalij li chub'ixkil chwe yin, man lik qatzij iweta'am ipa o wi, te'uri kin-e iwu'. We lik saq laj tzij o chila, yin kintzukuj ni chkixol konojel ni'pa alk'uwal aj Judá.


Xaq chak'ama b'i lajuj kexu re i atz laj aj-ok'al utzam i kaj-atzil i achiyab' chi je yij che i ch'oj. Xaq chawila wach ki'anom awatz, keje ile kak'am li utzijol chwe chi lik utz kiwach.


Rumali yin xin-ul chkixol i jalajuj taq itzob'ajil yix, achiyab' chi lik o kinojb'al, xaq is ketiki chu'anik, xinya pki'ab' chi je aj-atzil piwi yix. O jujun xinya lajujwinaq kamo' (1,000) achiyab' chkiqul, xaq o xinya jo'winaq (100) achiyab' chkiqul, xaq o xinya lajuj kawinaq (50) achiyab' chkiqul, xaq o xinya lajuj achiyab' chkiqul, xaq o jujun chi xinya chkiqul chi kki'at tzij pkiwi i tzob'ajil.


Jub'an chik ku'an ni chke chi keuya pa kaj-atzil i lajujwinaq kamo' (1,000) achiyab' chi je yij che i ch'oj, jub'an chik ku'an ni chke chi keuya pa kaj-atzil lajuj kawinaq (50) achiyab' chi je yij che i ch'oj. Jujun chiwe yix kixutaq ni chutukik uwach rulew xaq kimol uwach utikon; jub'an chik keutaq ni chu'anik i jalajuj taq anb'al ch'oj xaq i jalajuj taq anb'al ch'oj chi kok che i ch'ich' re b'inb'al.


Are uri ma Moisés xeu'ul achiyab' chi lik o kino'oj chkixol konojel aj Israel, xeuya pkiwi i winaq re ki'atol tzij; jun xuya pkiwi i lajujwinaq kamo' (1,000) jun chik xuya pkiwi i jo'winaq (100), jun chik xuya pkiwi i lajuj kawinaq (50) xaq i jun chik xuya pkiwi i lajuj.


Are xalax i Jesús pa tinimit Belén re i jyub' Judea, i ajawinel are i mam Herodes. I mam le o pupatan pa tinimit Jerusalén; je o jub'an nimaq kino'oj, je petnaq k'a naj prelb'al ij.


Te'uri xe'el chik chila pa Bet-el, xe'e pa Efrata, are k'amaja keuponik xchaptaj ati Raquel pa b'e man ire rax winaq, chila xalax wi rak'al, lik k'ax utzirik xu'ano.


Chila pa tinimit Belén o jun ala aj naj chi ukwenta utzob'ajil ma Judá; ire le aj Leví te'eq.


Xuk'ulmaj are kki'at te'eq tzij i je ajk'amol b'e re i tinimit Israel, are uri xpe jun nim laj wa'jal chila che ronojel ulew le. Are uri jun achi aj Belén re ulew Judá, chi ma Elimelec ub'i, x-e jeqi che i jyub' Moab, junam ru' i rixoqil chi tit Noemí xaq i je keb' uk'ojol, chi je are iri: A Mahlón xaq a Quelión, konojel ike le je aj Efrata, chi ke'eloq je aj Belén re ulew Judá; are xeupon che i ulew Moab xejeqi kan chila.


Yin xinkoj ire pacha jun ajsaqinel tzij chke i nimaq taq tinimit, pacha jun aj-atzil xaq pacha jun ajb'il usuk' chke i tinimit wach kki'ano.


¡Chqatija u'ijol qib' chretamaxik uwach i Ajwal! I Ajwal kpe ni qu' yoj, lik qatzij ile keje pacha are kel li ij, lik qatzij ile keje pacha i jab' are kuja'aj uwach ulew are k-e i jab' are uri kpe utux i che' xaq i kotz'ij.


I Ajwal chi ronojel ktiki che kub'ij: Ch'ich' chi k'ulala o aware, chatwalij chkij i wajyu'ul chij xaq chrij i kintowik! ¡Chakamsaj ajyu'ul chij, i jutzob'aj chij kekicher nu b'ik, i yin kintzalij ni chu'anik k'ax chkij i ral taq chij!


Lik are ni i Ajwal kuya jun ilb'al re chiwe: I apoj ali k'aqtajnaq chik, kralaj ni jun rak'al ala chi kuya pub'i a Emanuel.


Chab'ak'ak'ej awib' i chatsik'inoq, tinimit Sion, pacha jun ixoq chi o k'axk'ol che rumal ya kk'iji rak'al, man i awinaq ke'el b'ik i kejeqi ni pa jamalik taq k'ijib'al, xaq keupon ni k'a pa Babilonia. Xwiri i Ajwal kuto utinimit chila; keuto ni chkiwach i je ajch'oj chkij.


Swiv nou:

Piblisite


Piblisite