Miqueas 4:8 - Wuj Pa K'ubultzij

⁸ Yet Jerusalén, are i ja tak'tik chi yab'al ucho'ab' i tinimit Sion, are ni yet katu'on tan chik uchuch i ajawinik, chi at nim laj ixoq pacha a'anom te'eq ujer.”

Miqueas 4:8 Referans Kwoze

ISAÍAS 1:26

Kin-an ni chawe chi keariq chik i utz laj taq atol tzij pacha ujer, xaq i pixb'anelab' pacha i xeariq chuxeb'al loq. Are in-anom chik Yin ile, te'uri kb'ix chik chawe chi lik at “Suk'ul laj Tinimit”, at “Utz laj Tinimit”.

ZACARÍAS 9:10

Ire kusachsaj ni kiwach ukareta i ma Efraín, i ukaway i tinimit Jerusalén xaq i k'aqb'al ch'ab' re ch'oj. Kutzijoj ni chomb'al ib' pa nimaq taq tinimit xaq krajawin ni chuchi' i mar xaq k'a che chik uchi' jun chik mar, che i raqana Éufrates k'a pa k'isb'al re i rokrik re i jyub' ta'aj.

Apocalipsis 22:5

Che i tinimit le kok ti chik a'ab'; ni'pa i je o chila, nti chik uchak i a' re kantil chke, xaq nti chik uchak utzunb'al i ij chke. Man are utzunb'al i Ajwal Dios are k-anaw saq che ipa je o wi. Ike le chila ke'ajawin ni ronojel ij saq.

ZACARÍAS 9:12

¡Yix chi ix ajprex chi lik arewi ikub'am ik'ux chroy-exik, kixtzalij chub'i che i nim laj ja chi re tob'al iwib'! Kinb'ij chiwe chi kinya ni utzil chomal piwi, lik kamul chwach i k'ax chi xitijo.

ABDÍAS 1:21

Ke'el nu b'i ajch'akanel puwi i jyub' Sion re kki'at tzij chkij i je o puwi i jyub' re ma Esaú, i are ni Ajwal krajawinik.

GÉNESIS 35:21

Te'uri ma Israel xumaj chub'i ub'e, xek'iji k'a jela chwach i Migdal-edar.

Efesios 1:21

Chila nim ni upatan chkiwach konojel i je o chikaj chi o kipatan: Ni'pa i ktaqanik, ni'pa i ke'ataw tzij, ni'pa i je kaj-atzil, xaq ni'pa i krajawinik. Are ire nim u'ij pkiwi konojel i ni'pa taq o ki'ij, xwi ti wo'or, xaq che taq i ij kk'unik.

Marcos 12:1

I Jesús xujeq lapanik ku' i winaq ru' tijojb'al taq tzij, xub'ij chke: Jun achi xutik jub'an uva prulew xaq xukoj koral chrij, xuyijb'a jun k'ijib'al ipa kkiyitz' wi uwa'al i uva le, xaq xuyijb'a jun ja tak'tik chupam i tikon le, chajb'al re ronojel i tikon. Te'uri xeukoj jujun ajchakib' ajpamey ru'; ire x-e che jun tinimit naj.

Daniel 2:44

Che i ki'ajawinik i ajawinelab' le, i Dios aj chikaj ku'an ni jun k'ijib'al re ajawinik chi lik kwulijsax taj xaq lik nti jun chik tinimit kuya taq rib' puwi, are ni Ire kusach ni kiwach konojel i jub'an chik ajawinik, xaq lik nti uk'isik ronojel ij saq.

2 Samuel 5:7

Xwiri ma David xuk'am i tinimit Sion chi sutim rij ru' i tapial nim uwach, wo'or etamam uwach ru' i b'iyaji: nim laj Tinimit re ma David.

NÚMEROS 24:19

Chuxol utinimit ma Jacob kel wi jun achi, chi lik arewi kch'akanik xaq kusach ni kiwach konojel ni'pa k'a kekanaj kan pa tinimit.

Mateo 21:33

Te'uri xub'ij chke: —Chita chik jun tijojb'al tzij. O jun achi nim i rulew, utikom uva chwach. Te'uri xukoj koral chrij; xuyijb'a pa kkiyitz' wi uwa'al i uva, xaq xuyijb'a jun ral ja tak'tik chupam i tikon, chajb'al re ronojel. Te'uri xeukoj jujun ajchakib' je ajpamey ru'; ire x-e che jun tinimit naj.

Daniel 7:18

Xwiri k-on panoq i ajawinik kya' ni pu'ab' i tinimit re i Nim laj Dios aj chikaj, lik re ni Ire ronojel ij saq.

ISAÍAS 5:2

Xutuk i ulew xaq xresaj b'i ab'aj chwach xaq xutik ral taq k'ak' tikon uva chi lik mas utz. Chuxol i tikon le xuyak jun nim laj tak'tik ja xaq xutzukuj jun k'ijib'al ipa ku'an wi i uwa'al uva muqb'am. I wamiy roy-em i uva che utikon chi lik ki, xwiri i uva chi xuya i tikon le xa ch'am.

ISAÍAS 10:32

Lik wo'or che i iji ktak'i i ajmajanel pa Nob; kuya i k'utb'al re i jeqb'al ch'oj chrij i tinimit Sion, chila tzam jyub' re Jerusalén.

Salmos 48:3

I Dios o chila pa nimaq taq kachoch i ajawinelab' pa tinimit Jerusalén; i Dios uk'utum rib' pacha jun tob'al ib' chi nti xib'in ib' che.

Salmos 61:3

man yet at k'ijib'al ipa kinto wi wib'. At keje pacha jun ko laj tak'tik ja ipa kinto wi wib' chwach i ajch'oj chwij!

Miqueas 2:12

Kinmol kichi' konojel i tinimit re ma Jacob; kinmol uchi' jutzob'aj chi je k'i ti chik chi xekanaj kanoq re Israel. Kinmol kichi' pacha i chij pa k'olb'al ke, pacha jutzob'aj chij chwa taq k'im, i lik kewojoj na pacha taq uk'iyal winaq.

NEHEMÍAS 3:25

Chrijil chik ire le, ma Palal, chi uk'ojol ma Uzai, xuyijb'a i tapial chi o chwach i ko'kik xaq i nim laj ja tak'tik chi o chwach i nim laj rachoch i ajawinel, chila chwaja ipa o wi ajchajinel. I juperaj chik xuyijb'a ma Pedaías, chi uk'ojol ma Faros,

Salmos 24:7

¡Chijaqa iwib' yix uchija chi k-e ij saq chiwij! ¡Lik chixjaqal pa taq kakab'il, man keje ile kok b'i i Ajawinel chi lik nim u'ij!

Cantares 4:4

I aqul lik chom pacha i tak'tik ja re ma David, chi wiqtal ru' chomiq taq ab'aj. Che ile ktzayb'ax wi lajujwinaq kamo' (1,000) tob'al ib' che i ch'oj, are i tob'al kib' i ko kiwach che i ch'oj.

ZACARÍAS 9:9

¡Lik chatkikotoq, tinimit Sion! ¡Chatb'ixan ru' kikotemal tinimit Jerusalén! Awajawinel ya kk'un awu' yet, lik suk'ulik xaq ajch'akanel, xwiri lik ajaj laj winaq, annaq chrij jun b'uru, i ral b'uru rak'al jun ati b'uru.