Miqueas 4:6 - Wuj Pa K'ubultzij

^6-7 Iri kub'ij i Ajwal: “Che taq i ij le kinmol ni kichi' inchij, chi inya'om te'eq utojb'alil chke: Chke i jetz', chke i je kosnaq xaq ni'pa i je kichernaq b'ik. Ku' ike, xaq ku' i ni'pa i je o chila, kin-an ni jun tinimit nim ucho'ab'. Yin, chi in Ajwal, kin-at ni tzij puwi intinimit k'a che li jyub' Sion, wo'or i lik arewi k-e ij saq chrij.

Miqueas 4:6 Referans Kwoze

SOFONÍAS 3:19

Che i ij le kin-an ni ch'oj chkij konojel ni'pa i kki'an k'ax chawe. Kinto ni i chij chi kjetz'pinik xaq kin-an ni utz che i jun chi sachnaq; kinya ni u'ij xaq retamaxik chwach ronojel i jyub' ta'aj, ronojel i yo'yanik chi xki'an chiwe.

Juan 10:16

Xaq o jub'an chik inchij chi kachi'il ti je o chupam i korali, xaq rajwaxik chi keink'am li waral. I chij le kekojon ni chwe, man keje ile keu'on ni xaqjun kiwach i xaq xa jun ni ajyu'unel ke.

ISAÍAS 56:8

Yin kin-an na chi ketzalij chaloq xaq kkimol chik kib' ni'pa ike chi k'a je elsam b'i pa cho'ab' chwach kulew.” Ile are i Ajwal xb'iwik, chi ku'ano chi kkimol chik kib' aj Israel chi to' je kichernaq te'eq b'ik.

Salmos 147:2

I Ajwal, kuyak chik i tinimit Jerusalén, xaq kumol kichi' konojel aj Israel chi to' je kichernaq b'ik.

Lucas 19:10

Yin chi Xinalaxoq chwach Ulew pacha Winaq, in k'unnaq chkitzukuxik i je sachnaq elsab'al ni ke chupam i kimak —xcha chke.

Miqueas 2:12

Kinmol kichi' konojel i tinimit re ma Jacob; kinmol uchi' jutzob'aj chi je k'i ti chik chi xekanaj kanoq re Israel. Kinmol kichi' pacha i chij pa k'olb'al ke, pacha jutzob'aj chij chwa taq k'im, i lik kewojoj na pacha taq uk'iyal winaq.

Ezequiel 36:24

Yin kixwesaj ni yix che ni'pa taq i tinimit le xaq che i nimaq taq tinimit; kinmol ni ichi' xaq kin-an ni chiwe chi kixtzalij chali piwulew.

JEREMÍAS 31:8

Kixintzalijsaj chal che i k'ijib'al chi o pa moxab', kinmol ni ichi' kixink'ama na li che i k'isb'al taq rokraq re uwach i jyub' ta'aj. Xaq ku' ike le kepe ni i ketzun taj xaq i kejetz'pinik, ixoqib' chi je raxwinaq xaq ni'pa i je alannaq chik; ¡lik je k'i i winaq ketzalij ni chaloq!

JEREMÍAS 3:18

Are kuriqa i ij le, i tinimit Judá kuya ni uwach ru' i tinimit Israel, junam ke'el chila pa moxab', ke'e che i ulew chi xinya chke iwatit imam pacha jun kuxtab'al ib'.

Salmos 38:17

Lik kinna yin kinkamik, man ni'pa uk'axk'ol i k'ax chwe, lik kuxlan ti jub'i'.