Biblia Todo Logo
Bib sou entènèt

- Piblisite -




Miqueas 4:13 - Wuj Pa K'ubultzij

13 ¡Chatwalijoq i chaya'ya uwi i trigo, tinimit Sion! Man i Ajwal kub'ij: “Yin kinya ni acho'ab' pacha re jun toro chi o rok'a' re ch'ich' xaq i rixk'aq re anch'ich', man keje ile ku'an ni k'ax chke uk'iyal taq tinimit. Yet kamaj ni kib'eyomal chke chi k'ax ti uch'akik ki'anom i kaya ni chwe Yin kojb'al re in-ij, Yin, chi in Ajwal re ronojel i jyub' ta'aj.”

Gade chapit la Kopi




Miqueas 4:13
28 Referans Kwoze  

Che i ki'ajawinik i ajawinelab' le, i Dios aj chikaj ku'an ni jun k'ijib'al re ajawinik chi lik kwulijsax taj xaq lik nti jun chik tinimit kuya taq rib' puwi, are ni Ire kusach ni kiwach konojel i jub'an chik ajawinik, xaq lik nti uk'isik ronojel ij saq.


Xwiri ni'pa kkich'ak chrij kik'ay le, kjachi ni pu'ab' i Ajwal, re ti kk'olik xaq re ti kmol uchi', are i k-ani che kya' chke ni'pa je ajpatan chrij i Ajwal, re kkilo'b'ej k'iyal taq wach kkitijo xaq re lo'b'al chomiq taq ki'u' paqal rajil.


Che taq i ij le, i tinimit chi naj kij xaq kreprat kich'akul, kkik'am na li i sipon che i Ajwal chi ronojel ktiki che, nim laj tinimit chi lik kkixij kib' konojel i tinimit che, tinimit chi lik o ucho'ab' xaq lik k-on nim che rib', chi jeqel che jun ulew chi lik k'iyal raqana o chupam. Xaq kkik'am li chwi jyub' Sion ipa kkinataj kkikuxtaj ub'i i Ajwal chi ronojel ktiki che.


Pa taq domingo, yix chijujunal, ni'pa ich'akom pa seman, chijacha ni'pa i kiwaj kiya'o, xaq chik'olo. We keje ki'an ile, are kinuponik, is yij chik uri iwumal, k'ate ti kixok chumolik are kinuponik.


I ángel xula' uwach chwe: “Iri are i kajib' tew chi ke'el li chwach i Ajwal i ke'e chwach i jyub' ta'aj.


Ire xula' uwach chwe: “Iri are i keb' chi ch'iktal kij re kki'an kipatan chrij i Ajwal che ronojel uwach i jyub' ta'aj.”


Man i Ajwal chi ronojel ktiki che, chi ki-Dios aj Israel, kub'ij: “¡I tinimit Babilonia lik keje pacha i k'ijib'al ipa kya'yax wi trigo pu'ijlal, man ya kuriq i ij re i molonik!”


Rumal i lo'laj awachoch chila Jerusalén, i ajawinelab' kkik'am b'i kisipon chawe,


Xwiri i an-o'oj, saq-o'oj xaq i jalajuj taq b'iroxik anch'ich', xaq i to' ch'ich' kajach ni pu'ab' i Ajwal, te'uri kya' ni ru' ub'itaq re Ire.


Lik jutzutz utzam i ch'ab' xaq ronojel i k'aqb'al kich'ab' lik ko. I kisapak i kikaway lik ko pacha i ab'aj, xaq lik pacha kaqsut i sotsaq re b'inb'al kich'ich'.


I ajawinelab' re i tinimit Tarsis xaq re ulew chi o ya chrij chwach, re i tinimit Sabá, xaq re i tinimit Seba, chkik'ama na li i sipon xaq i tojonik che ire.


Ronojel uchi' awachoch lik ch'ich' xaq anch'ich' ni i chapb'al re, lik kkowin ni ucho'ab' pacha ukowinik uk'aslemal.


Intinimit, lik xatya'yaxik pacha k-ani che i trigo, yin kinya utzijol chawe wach xinta che i Ajwal chi ronojel ktiki che, chi ki-Dios aj Israel.


¡Tinimit Babilonia, yet lik at keje pacha jun inch'ayb'al nim, xaq at inch'ojb'al re i ch'oj! At inchapb'al na re kinwulijsaj i nimaq taq tinimit xaq re kinsachsaj ni kiwach i nimaq taq ajawinik.


I tinimit Efraín keje pacha te jun b'akil chi lik manxo chi lik qus kril te ujich'ik i trigo. Xwiri Yin wo'or inkojom jun yuku che i chom laj uqul, jek'b'al re i kareta; i Judá kujek' ab'ixb'al, i a Jacob kujukukej i jokb'al ulew.


Are petnaq awoywal katmalkat chwach ronojel ulew; xaq ru' i nim laj awoywal kaya'ya kiwi i nimaq taq tinimit.


Re i Ajwal ronojel uwach i jyub' ta'aj; re Ire ronojel ni'pa o chwach, xaq ronojel ni'pa je k'as chwach.


Are uri, chkixol uk'iyal taq tinimit, i jub'an chi kekanaj kanoq re utinimit i ma Jacob, je keje na pacha uxaqk'aj chi kutaq li Ajwal, keje pacha i jab' chi ktzaq puwi i es, ile lik are ti i winaq k-anawik chi kpe jab'.


Che i ij le kin-an ni che i tinimit Jerusalén pacha jun ab'aj chi lik al chke konojel i nimaq taq tinimit. Keusok na xapachin kkaj uyakik i ab'aj le. Konojel i nimaq taq tinimit kkimol ni kib' chrij i tinimit Jerusalén,


Che taq i ij le kin-an ni chke i je aj-ok'al utzam i tinimit Judá chi je keje pacha jun yab'al a'al chi lik kjuluw chupam i si', keje pacha jun a' chuxol k'iyal yotaj trigo. Kujarsaj nu b'i pa wiqab'im xaq pa moxim chke konojel ni'pa i nimaq taq tinimit aj naqaj, tz'aqat i winaq aj pa tinimit Jerusalén kejeqi ni chik pkitinimit.


Swiv nou:

Piblisite


Piblisite