Miqueas 4:11 - Wuj Pa K'ubultzij

¹¹ Wo'or je k'i nimaq taq tinimit kimolom kib' chawij, kkib'ij: ¡Lik kojkikot chrilik i tinimit Jerusalén man xqajsax u'ij!

Miqueas 4:11 Referans Kwoze

ABDÍAS 1:12

Utz ti xa'ano chi xatkikotik are xtzaq acha' pa k'ax, mat xatkikot chke i rak'al ma Judá che i ij are xetzaq puyej, xaq mat xeayo'ya che i ij are je o puk'axk'ol.

Miqueas 7:10

Are uri i ixoq chi ajch'oj chwij lik kril na, i lik kk'ix ni che. Ire xub'ij te'eq chwe: ¿Ipa o wi Awajwal Dios? Xwiri wo'or lik kinkikot ni chrilik chi kya'yax ni uwi pacha xo'ol pa taq b'e.

JEREMÍAS 52:4

Che i lajuj ij re i lajuj ik' re i ub'elej junab' che i rajawinik ma Sedequías, i ajawinel ma Nabucodonosor xumaj b'i ub'e junam ku' konojel achiyab' chi je yij che i ch'oj, xe'e chu'anik ch'oj chrij i Jerusalén, lik xkisutij rij. Xe'uxlan pan chwach, xaq chrij chwach xki'an ral taq cholchol yoch re kelb'al b'ik are kki'an ch'oj chkij.

Salmos 129:5

¡Lik chya' ni kik'ix xaq che'anmaj ni konojel ni'pa ktitat kipam che i tinimit Sion!

ISAÍAS 10:7

Xwiri i ajawinel re i tinimit Asiria keje ti ile kuch'ob'o, xaq are ti ile kraj u'anik. Ire xwi kuch'ob' usachik xaq uk'isik kiwach k'iyal nimaq taq tinimit.

ISAÍAS 17:12

¡Chita kich'awb'al k'iyal taq tinimit chi lik keje pacha uch'awb'al i mar! Are ch'awb'al ile chi kki'an i nimaq taq tinimit pacha uch'awb'al i nim laj ya re i raqana.

ISAÍAS 29:7

Konojel ni'pa i tinimit chi k-ani ti tikilem chkajlaxik chi kki'an ch'oj chrij i tinimit Ariel, konojel ni'pa i kki'an i ch'oj le xaq ni'pa i kkiwulijsaj i tapial nim uwach, xaq keje ni'pa i ke'anaw k'ax chke, ile pacha taq xa keachik'ik, o xa pacha taq kkil pkiwach.

Ezequiel 26:3

Rumali Yin in Ajwal, kinb'ij: Tinimit Tiro, kinsaqij chawe chi Yin in ajch'oj chawij. Kin-an na chi kewalij k'iyal nimaq taq tinimit chawij, re kki'an ch'oj chawij, keje pacha ku'an uwi i mar are kwalij b'ololik,

Salmos 83:5

Ki'anom jun trat anb'al ch'oj chawij, xki'an xaqjun che kib' pacha xa jun chi winaq:

Ezequiel 38:17

Yin in Ajwal, kinb'ij: Chawe yet xinb'ij wi, are xinch'aw jela kanoq, are xech'aw wajpatan pinb'i Yin chi je profeta chi je aj Israel; ike xkitzijoj jela kanoq chi Yin kin-an ni chawe chi katk'unik re anb'al ch'oj chrij i tinimit Israel.

ZACARÍAS 12:3

Che i ij le kin-an ni che i tinimit Jerusalén pacha jun ab'aj chi lik al chke konojel i nimaq taq tinimit. Keusok na xapachin kkaj uyakik i ab'aj le. Konojel i nimaq taq tinimit kkimol ni kib' chrij i tinimit Jerusalén,