Miqueas 4:10 - Wuj Pa K'ubultzij

¹⁰ Chab'ak'ak'ej awib' i chatsik'inoq, tinimit Sion, pacha jun ixoq chi o k'axk'ol che rumal ya kk'iji rak'al, man i awinaq ke'el b'ik i kejeqi ni pa jamalik taq k'ijib'al, xaq keupon ni k'a pa Babilonia. Xwiri i Ajwal kuto utinimit chila; keuto ni chkiwach i je ajch'oj chkij.

Miqueas 4:10 Referans Kwoze

ISAÍAS 48:20

Chixel pa tinimit Babilonia, chix-anmaj chkiwach aj Caldea. Chiya utzijol i tzijoniki ru' sik' re kikotemal, chiya retamaxik k'a chuchi' taq i jyub' ta'aj. Chib'ij: “¡I Ajwal ukirom ma Jacob chi rajpatan”!

Oseas 13:13

I tinimit Israel ya xuriq i ij re i ralaxb'al, xwiri lik are jun ak'al chi lik nti uno'oj chi lik ktiki tene chuyijb'axik rib' puk'ijib'al are kalaxik.

Oseas 2:14

Yin qus kwilo, lik xumaj inwach: Kink'am b'i pa tz'inilik jyub' chaqij xaq kin-ijla ni ranima.

ISAÍAS 45:13

Yin xin-ano chi kwinaqir ma Ciro, man keje ile kch'akanik xaq kin-an ni che chi ronojel k'ax ti utikilem che. Are ire kuyak chik intinimit, xaq kero'taj nu b'i i winaq chi je k'amtal b'i che jun chik tinimit, chi nti kajil xaq utojb'alil kkitz'onoj.” Are i Ajwal chi ronojel ktiki che xb'iw iri.

ISAÍAS 43:14

I Ajwal, chi Lo'laj Dios ke aj Israel, chi xixkirawik, kub'ij: “Keintaq b'i i winaq pa tinimit Babilonia re kixinto xaq kin-an na chi kjaq ronojel uchija chiwe, man keje ile i kikotemal ke aj Caldea kyiji ni che jun nim laj k'axk'olil.

2 Reyes 20:18

O ne jujun chke amuq axikin kek'am nu b'i pa Babilonia, chila kelsax wi kikowil chke xaq keya' ni chila pacha ajtaqon pa nim laj rachoch i ajawinel.”

Apocalipsis 12:14

Xwiri, i ixoq xya' keb' nimaq taq uxik' pacha uxik' jun nim laj kotxik. Are uri, krupupik x-e che uk'ijib'al che i tz'inilik jyub' chaqij; naj xel chwach i nim laj itzel kumatz le. Chila ktzuq wi oxib' junab' ru' nik'aj.

Oseas 1:10

Che jun ij k-on panoq i aj Israel keu'on na pacha i seneb' re i mar, chi mijun ktiki chupajik xaq lik mijun ktiki chrajlaxik. Puk'exel kb'ix iri chke “Yix ix intinimit ti chik”, i Dios kub'ij ni chke: “Yix ix rak'al i Dios k'aslik.”

JEREMÍAS 15:21

Katwesaj ni pki'ab' itzel laj taq winaq, ¡Katwesaj ni pki'ab' i to' je aj-anol ch'oj!”

Salmos 106:10

Keje kelsaxik ile xu'an pki'ab' i je ajch'oj chkij xaq pki'ab' i ktitat kipam chke.

SEGUNDO LIBRO DE CR%D3NICAS 36:20

Chrijil chik ile xeuk'am b'i i winaq chila pa Babilonia chi xek'asi kan che i kamik chi x-anik le, chila x-an winaq chke chi je o pu'ab' i kajaw junam ku' kak'al k'a xkijeq ni ajawinik aj Persia,

SEGUNDO LIBRO DE CR%D3NICAS 33:11

Rumali, i Ajwal xeuk'am li i je aj-atzil ke i achiyab' chi je yij che i ch'oj re i ajawinel aj Asiria chu'anik ch'oj chkij, xkichap ma Manasés, xkikub'a jun ch'ich' putzam, xkixim ru' jun karena anch'ich' xaq xkik'am b'i prexil pa Babilonia.

2 Reyes 25:4

Are uri xki'an jul chwach taq i tapial nim uwach re i nim laj tinimit. Tupu aj Caldea kisutim rij i tinimit, i ajawinel xaq konojel i achiyab' chi je yij che i ch'oj, xe'anmaj b'i pa nim laj tinimit cha'ab'. Konojel xe'el b'i che uchija chi o chuxol i keb' tapial chi nim uwach, che i b'e chi k-e pa tikonb'al kotz'ij chi o chi rachoch i ajawinel, te'uri xkimaj chub'i jun b'e chi k-e chwa ta'aj Jordán.

JEREMÍAS 29:20

Chixkojon che intzij, iwonojel yix chi xixwesaj b'i pa Jerusalén chi xix-e pa Babilonia.

JEREMÍAS 48:41

Nimaq taq tinimit xaq ronojel ukowib'al ktzaq ni pki'ab' i ajch'oj chrij. Che taq i ij le i achiyab' chi je yij che i ch'oj re i tinimit Moab kesiksat na pacha jun ixoq chi ya kalax rak'al.

Miqueas 5:3

Wo'or i Ajwal kero'taj ni kan utinimit, xwiri k'a kk'iji ni i ak'al chi kalax ni ru' jun ixoq chi b'italik. Are uri i aj Israel chi je elsam b'i pa cho'ab' chwach kulew, kkimol chik kib' ku' kach aj tinimit Israel.

SEGUNDO LIBRO DE CR%D3NICAS 36:23

“Ma Ciro, chi ajawinel ke aj Persia, kusaqij iri: I Ajwal, chi Dios aj chikaj, xuya ronojel i ajawinik pin-ab' puwi ronojel uwach i jyub' ta'aj, xaq xuya chinqul uyakik jun rachoch chila Jerusalén chi o pa Judá. Rumali chi xapachin chiwe yix chi ix utinimit i Ajwal, lik chixuto ni uri Iwajwal Dios, xaq lik chixtzalij chik chila.”

JEREMÍAS 4:31

Kinta i sik' re uk'axk'ol pacha jun ixoq are kralaj i nab'e rak'al, are i sik' re i tinimit Sion, chi kjilawik, kurip b'i u'ab' xaq kub'ij: “¡To' inwach yin, chi kinkikamsaj i kamsanelab'!”

JEREMÍAS 13:4

“Chak'ama i paqb'al pamaj chi xalo'o chi akojom le, jat chi raqana Éufrates, xaq chawuwaj chila chupam jun tartik re i ab'aj.”

Miqueas 5:2

Xwiri yet, Belén Efrata, at ch'utin chkixol i lemajil re Judá, chawe yet kel ni jun aj-ok'al utzam re i tinimit Israel chi kpe che jun alk'uwalxel re ujer.”