Miqueas 2:4 - Wuj Pa K'ubultzij

⁴ Che taq i ij le kixb'ixax ni ru' i b'ix re o'ej. Kb'ix ni chiwe: Lik xsachsax qawach qonojel; i qatinimit, are i Ajwal rajaw, lik jalwachim i rajaw xaq lik mijun k-atiwik; ni'pa taq qulew lik jachtal chkiwach i je ajch'akanel chqij.”

Miqueas 2:4 Referans Kwoze

Habacuc 2:6

Xwiri konojel i nimaq taq tinimit chi xech'akik kkitze'ej ni jun chi xech'akawik, kkib'ixaj iri che: “¡To' awach yet chi ka'an taq b'eyom che awib' ru' taq i b'iroxik chi awe taj! ¿K'a junpa nawi kamayij umolik uchi' i b'eyomal chi xamajo?”

Miqueas 1:15

I Ajwal kub'ij: “Chiwij yix, chi ix jeqel pa Maresa, kintaq chub'i jun chik k'ak' ajch'akanel iwe, chi chatal chkixol aj Israel chi lik ko kiwach, lik keumina ni rib' pa jul re Adulam.

JEREMÍAS 9:10

Chixo'oq xaq chixjilaw rumal i jyub', chixwuywat che i b'is rumal i tzam taq jyub', man je k'atnaq chik, xaq mijun chik kik'aw chwach; ktataj ti chik kich'awb'al i chikop chwach xaq xe'anmaj ne i tz'ikin xaq itzel taq chikop chwach.

ISAÍAS 24:3

I jyub' ta'aj lik ksach ni uwach, lik kel-ax nu b'i ni'pa o chwach. Man iri are ub'im i Ajwal.

ISAÍAS 6:11

Yin xintz'onoj che: Ajwal, ¿Ni'pa ij kuch'ij ile? Ire xub'ij chwe: “K'a kewulij ni i tinimit xaq mijun chik winaq kkanajik, k'a kekanaj ni ja chi nti chik winaq chupam, xaq i ulew k'a k-on ni pacha jun tz'inilik jyub' chaqij.

Deuteronomio 28:29

Lik to' katmalal na, katb'inik pacha jun mawach, lik kel ti utz ronojel ni'pa i ka'ano; lik to' arewi kqajsax a'ij xaq katel-axik xwiri mijun katuto na.

NÚMEROS 23:7

Are uri ma Balaam xutzijoj wach k-antaj na: K'a tzam taq jyub' prelb'al ij, xaq k'a pa Aram, xink'un rumal ma Balac chi ajawinel ke aj Moab: “Sa'aj wu' xub'ij, cheak'oqoj aj Israel chwe xaq chatz'onoj k'oqb'al puwi utinimit ma Jacob”; xub'ij chwe.

Marcos 12:12

Are uri xkaj utz'apixik i Jesús pa prexil, man keta'am chi tijojb'al tzij chi xub'ij re kojb'al kimak ike xu'ano. Xwiri rumal kkixij kib' chke i winaq, xkiya kanoq te'uri xe'ek.

SOFONÍAS 1:2

Iri are kub'ij i Ajwal: “Lik kinsach uwach ronojel ni'pa o chwach i jyub' ta'aj.

Miqueas 2:10

¡Chixwalijoq! ¡Mimayij i b'e! Man iri are ti jun k'ijib'al re i uxlanb'al, man lik nim i utz taj o che, rumali lik ksachsax ni uwach ronojel.

AMÓS 5:17

Pa ronojel taq tikonb'al uva ke'o' na are kink'un yin chuya'ik utojb'alil chke.” Are i Ajwal kb'inik.

AMÓS 5:1

Chita intzij, ix aj Israel; chita i tzij re i k'ax pink'ux chiwij yix:

Joel 1:13

Yix, chi ix ajsujul sipon, ix ajyijb'al k'ijib'al re sujunik chwach i Dios, chikojo i'u' chi lik as xaq chixo' rumal uk'axk'ol, man i prachoch i Ajwal chi i-Dios nti chik sipon ch'irajil xaq i uwa'al uva muqb'am re ksujuxik.

Joel 1:8

Pacha jun ali ko'ik chi kukoj u'u' re b'is rumal ukamik ala chi kk'uli te'eq ru',

Ezequiel 16:44

Konojel ni'pa i kkaj ub'ixkil i tzij chi o ke'eloq, kkib'ij ni tziji chawij yet: Pacha uchuch xaq keje ralit.

Ezequiel 2:10

I ab'aj le xukir uwach chinwach yin. O tz'ib' chwach xaq i chrij: Are re o'ej, sik' re uk'axk'ol, xaq i tzij re xib'rikil.

JEREMÍAS 14:18

Are kinel pa taq es keinriqa kich'akul i winaq chi je kamnaq pa ch'oj, are kinok b'i pa nim laj tinimit, kewil i winaq chi ktijin kikamik rumal i wa'jal, xaq keje i profeta, xaq i je ajsujul sipon ke'e che jun chik tinimit chi keta'am ti uwach.

JEREMÍAS 4:13

Chiwila pe', i ajch'oj chiwij ktijin kitejeb'ik pacha jun sutz', i kich'ich' re anb'al ch'oj lik keje pacha jun nim laj jab' tew upam, xaq i kikaway mas kkich'ij b'e chkiwach i kotxik. ¡To' qawach yoj, man wo'or kqariq i tojb'al re!

ISAÍAS 14:4

kab'ij ni chomalil tziji re uyo'yaxik i ajawinel re Babilonia, ¡Chiwila pe k'a ipa xeuk'isa wi i krajawin te'eq! ¡Chiwila pe k'a ipa xuk'isa wi i jun chi kukoj u'ij!

Job 27:1

¡Lik kinb'ij pub'i i Dios chi Ronojel Ktiki Che, chi kraj ti ku'an atb'al tzij chwe, chi u'anom k'ax che wanima,

SEGUNDO LIBRO DE CR%D3NICAS 35:25

Ma Jeremías xuyijb'a jun b'ix re kamnaq kuxtab'al re ma Josías. Konojel ajb'ix chi achiyab' chi ixoqib', lik kk'un chkik'ux ma Josías are kkib'ixaj i b'ix ke i kamnaq le k'a che taq i ij wo'or. I b'ix le lik arewi kkib'ixaj chila pa Israel; xaq tz'ib'tal chupam i wuj ipa cholom wi i b'ix ke i kamnaq.

2 Samuel 1:17

Ma David xub'ixaj jun b'ix re b'is rumal ukamik ma Saúl xaq rumal uk'ojol chi ma Jonatán.

NÚMEROS 24:15

Are uri ma Balaam xub'ij i tzijonik re i Ajwal: Iri are utzij ma Balaam, chi uk'ojol ma Beor, utzij jun achi chi kril puwach wach kk'ulmax na,

NÚMEROS 24:3

Are uri ma Balaam xub'ij i tzijonik re i Ajwal: “Iri are utzij ma Balaam, chi uk'ojol ma Beor, utzij jun achi chi kril puwach wach kk'ulmax na,

NÚMEROS 23:18

Are uri ma Balaam xub'ij i tzijonik re i Ajwal: Ma Balac, chi rak'al ma Zipor, lik chata ub'e wach i kinb'ij chawe.

JEREMÍAS 6:12

I kachoch, kulew, xaq i kixoqil ke'ax ni pki'ab' jub'an chik. Man kinyak ni in-ab' chuya'ik i tojb'alil pkiwi konojel i je jeqel pa tinimit le. Yin in Ajwal, xinb'iw ile.

JEREMÍAS 8:10

Rumali, kinjach ni kixoqil chke i jub'an chik achiyab', xaq i kulew kinya ni chke jub'an chik. Man konojel che ch'utiq che nimaq, xwi kkich'ob' utzukuxik i ch'akanik ru' ela'; i profeta xaq ajsujul sipon, konojel is je t'oronel.

Miqueas 1:8

Kin-o' na, rumal i nim laj b'is pink'ux; rumali nti inxajab' kinb'in na xaq in ch'analik, kinwuyuyik pacha jun utiw xaq kinsik'inik pacha jun chak'nos.

JEREMÍAS 9:16

Keinkichersaj nu b'i chkixol i nimaq taq tinimit, chi keta'am ti kiwach, chi xaq i kiqajaw kichuch xketamaj ti kiwach.”